Jas býyndy qazaqstandyq patrıotızm rýhynda tárbıeleýde ulttyq mańyzy bar qasıetti de kıeli oryndarynyń mańyzy aıryqsha. Solardyń biri - Soltústik Qazaqstan oblystyq tarıhı-ólketaný murajaıy.
Elbasymyz Nursultan Nazarbaev "Bolashaqqa baǵdar: rýhanı jańǵyrý" baǵdarlamalyq maqalasynda týǵan jerdiń tarıhyn tereń bilýmen qatar odan da mańyzdyraq máseleni - ózińniń birtutas uly ulttyń perzenti ekenińdi umytýǵa bolmaıtynyn erekshe atap kórsetken edi. Osyǵan oraı Soltústik Qazaqstan oblysy Qorǵanys isteri jónindegi departamentiniń áskerı qyzmetshileri men azamattyq personaldary Soltústik Qazaqstan oblystyq tarıhı-ólketaný murajaıymen tanysty.
Ekskýrsıa ótkizý jáne kópshilikpen jumys isteý bóliminiń meńgerýshisi M.D.Abýovanyń aıtýynsha oblystyq tarıhı-ólketaný murajaıy 1924 jyly qurylǵan, murajaı 19 ǵasyrdyń sońynda salynǵan sáýlet óneriniń eskertkishteri bolyp esepteletin birneshe ǵımarattarda ornalasqan. Murajaı ekspozısıasy burynǵy kommersant T.L. Arkelge tıesili úıde, sonymen qatar kópes Strelovtyń úıinde jáne dúkeninde ornalasqan eken.
Soltústik Qazaqstannyń baı tarıhymen tanysý barysynda murajaı ekspozısıasynyń 13 zalymen júrip óttik, bul jerde Soltústik Qazaqstannyń arheologıalyq zertteýleriniń materıaldary, ólkemizdiń kóne tarıhy boıynsha tamasha jádigerleri, Petropavl q. paıda bolýy jáne damýy, 20 ǵ. 90-shy jj. basyndaǵy ólke tarıhymen ekskýrsovod N.V.Kopotılova tanystyrdy. 2 zaldyń jańa ekspozısıasy jasalǵan eken bul jerde «Qazaq memlekettiliginiń qurylýy jáne qalyptasýy. Qazaq etnografıasy» jáne «Táýelsizdik jyldaryndaǵy SQO tarıhy» ekspozısıalaryna sholý jáne taqyryptyq ekskýrsıany K.A.Mýsenko júrgizdi. SQO Qorǵanys isteri jónindegi departamenti tárbıe, ıdeologıalyq jáne áskerı-patrıottyq jumystar jónindegi basqarmasynyń bastyǵy podpolkovnık D.Tolybaı:
- Elbasynyń «Bolashaqqa baǵdar: rýhanı jańǵyrý» aıasynda SQO tarıhı-ólketaný murajaıyna barǵan saparymyz týǵan ólkemizdiń tarıhyn keńinen tanýǵa jáne ulttyq qundylyqtarymyzdy ardaqtaýǵa, sondaı-aq otansúıgishtik pen eljandylyq qasıetterge tárbıeleıdi" - dep sózin qorytyndylady.
Jalpy, murajaı qorynda 350 myńnan astam jádigeri bar. bul jerde ár túrli murajaı-tanymdyq «Ótkenge joldar» jobasy baı arheologıalyq toptamalardyń negizinde ólkemizdiń kóne tarıhyn nasıhattaý mindetterin sheshedi, «Týǵan tabıǵattyń tazalyǵy úshin» jobasy týǵan tabıǵat týraly tereńdete bilý, oǵan saqtyqpen qaraýdy sheshedi, qorshaǵan ortany qorǵaýdy qalyptastyrady, «Dástúrimizdi saqtaıyq» jobasy SQO turatyn ártúrli ult ókilderiniń baı mádenı murasy, «Máńgilikke qadam basqan» jobasy Uly Otan soǵysy týraly, jáne 20 ǵasyrdyń soǵystaryn, sondaı-aq ıadrolyq qarý synaqtary týraly, «Halyq kúntizbesiniń merekeleri» jobasy ár túrli halyqtardyń salt-dástúrleri, ádet-ǵuryptarymen tanystyrady, ár túrli etnostardyń mádenıetine qurmetpen qaraýǵa baýlıdy.
