Jetinshi synypta ǵoı deımin, qolyma Oralhan Bókeıdiń «Bizdiń jaqta qys uzaq» degen áńgimeler jınaǵy tústi. Kitapty oqyp shyqtym. Jaı ǵana oqymadym, essiz ǵashyq bolyp oqydym. Kitaptaǵy «Qar qyzy», «Saıtan kópir», «Mynaý appaq dúnıe» men úshin álemdegi teńdessiz týyndylarǵa aınaldy. Sonaý ór Altaıdyń, asqaq Altaıdyń baýraıyndaǵy shaǵyn aýyl meni ózine qaraı tartty da turdy. Eshqashan kórmegen, bilmegen Oralhannyń ór Altaıyna ǵashyqtyǵym solaı bastalǵan. Ol yntyzar mekendi áıteýir bir kóretinime senýshi edim ☺
Rasymen, bıyl jazdyń sońynda Shyńǵystaıǵa jol tústi. Oralhan sýrettegen aıadaı ǵana aýyldy kórdim, onyń "Aýyl hıkaıalaryndaǵy" keıipkerlerin kórdim.
Al "Qar qyzyndaǵy" basty keıipker esterińizde me? Shóp ákelýge ketip, boranda adasatyn traktorıst jigit she? Mine, dál sol keıipkerdiń úıinde qonaq boldyq. Ózi Oralhan atamyzdyń synyptasy eken. Nebir qyzyq estelikter aıtty. Oralhannyń keıipkerlerin ózimniń eski tanystarymdaı túgendeı bastadym. "Tortaı miner aqboz attaǵy" Tortaı qaıda?" deımin ǵoı, Nurlan ata: "Ómirden ótti ǵoı" dep onyń aıanyshty taǵdyryn baıandaıdy. Anaý she? Mynaý she? Kópshiligi aýyl irgesindegi qabirler mekenine qonys aýdarypty. "Apamnyń astaýyn" oqyp, "jylaǵanymdy esime aldym. Óıtkeni ózimde de astaý bolmasa da, urshyǵyn serik etken sondaı bir apa bar edi...
Nurlan atanyń úıindegi apaıymyz biz áńgimelesip otyrǵanda shelpek pisirip, bar jyly jumsaǵyn salyp, dastarqan jaıyp úlgergen eken. "Oralhannyń qonaqtary bizdiń de qonaǵymyz. Dalaǵa kelgendeı bolmańdar. Sháı ishkizbeı jibermeımiz. Kezinde osy meniń qolymnan Oralhan da talaı sháı ishken" dep aıaldatty. Jaqsy áńgimege de, Altaıdyń qaımaǵy men baýyrsaǵyna da toıdyq. Tangsholpan ekeýmizge bir-bir ýys qurt salyp berdi. Ony kezdesken jurtqa "Oralhannyń aýylynyń qurty" dep birazǵa deıin taratyp júrdik. Al júrekti Oralhan aýylynyń osy bir qarapaıym adamdarynyń bizge kórsetken meıirimi áli jylytyp júr ?
Al siz Oralhan Bókeıdiń qaı týyndysyn oqyǵansyz?
Marfýǵa Shapıan Instagram paraqshasynan
