Bul - Jıdebaıdaǵy Abaı jatqan kesene. Jıdebaı Abaıdyń qystaýy bolǵan eken. Qunanbaı tuqymy negizinen Aqshoqyǵa jerlenip kelipti. Tek Abaıdyń súıikti inisi Ospanǵa ǵana topyraq osy mekennen buıyrǵan.
⠀
Abaı jazda jaılaýda qaıtys bolǵan. Burynǵy qazaqtyń qystaýy men jaılaýy qaıbir jaqyn bolýshy edi?! Ómirden ótken Abaıdyń súıegin arbaǵa salyp, Jıdebaıǵa alyp kelgenshe úsh kún ótipti desedi. Al beıitter jatqan Aqshoqy áli de alys. Sodan amaldary qalmaǵan Abaı aýylynyń qarıalary aqyndy súıikti inisi Ospannyń janynan jer qoınyna tapsyrypty. Ol - osy jer.
⠀
Paıǵambarymyzdyń: "Múmin ana dúnıede súıgenimen birge bolady" degeni Abaı oqıǵasynda da dál kelgenin kórmeısizder me?! Abaı Ospan ólgende qatty qaıǵyrǵan desedi. Tipti qabirine tas ornatyp: "Ospannyń basynan baılyq ta ótti, balýandyq ta ótti, myrzalyq ta ótti. Ajaldan eshkim de qashyp qutyla almaıdy. Ári ótken, beri ótken musylman duǵa qaıyrmaı ótpesin" dep eski arab qarpinde jazdyryp, tas qoıdyrǵan eken. Ol tas qazir Abaı mýzeıinde tur.
⠀
Keıin inisiniń janyna jaıǵasaryn Abaı bilmegen bolar. Alaıda jańaǵy jazý Abaıdyń keıin qabirine keletinderge aıtqan ósıetindeı. Abaı kesenesiniń janynda turyp osyndaı oıǵa qaldym...
Marfýǵa Shapıan
