Mynaý artymdaǵy Abaı ómiriniń sońǵy 11 jylyn ótkizgen úı. Kezinde muny aqynnyń ózi saldyrypty. Búginde mýzeıge aınalǵan. Jóndeý jumystary júrgizilgen árıne, dese de sol qalpynda saqtalǵan. HİH ǵasyrdyń sońynda irgesi qalanǵan shańyraq qoı, edenderi syqyr-syqyr etedi. Quddy, Abaı zamanynan syr shertip turǵandaı. Ózge álemge túsip ketkendeı áserde boldyq.
⠀
Mýzeıdegi ár jádigerge qaraısyń da, kóne tarıhpen tildeskendeı kúı keshesiń. Eki adamnyń qulashy jetetin kise belbeýi aqynnyń alyp adam bolǵandyǵyn kórsetse, jazý ústeli men kitap jıylǵan sóre Abaıdyń aqyndyq bolmysyn ashyp turǵandaı. Dildá, Áıgerimderden qalǵan tósek te kóz aldyńa "Abaı jolynan" talaı oqıǵany elestetedi. Qunanbaıdyń Mekkeden kıip kelgen taqıasynyń ózi qajynyń búkil ǵıbratty ómirin jadyńda tiriltýge jetip jatyr. Taǵy bir buryshqa Abaıdyń protez tisi qoıylypty. Ańyz adamymyzdyń tisi qyzyq kórinip, uzaq qarap turyp qaldym.
⠀
Jáne bir derek, bul úıde Abaı alǵashqy áıeli Dildámen nemese keıin alǵan áıeli Áıgerimmen de emes, Ospan inisiniń báıbishesi, ózi ámeńgerlikpen alǵan Erkejanmen turǵan.
⠀
Men mýzeıdiń ishinen ádeıi foto qoımadym. Óıtkeni, Semeıge barsańyzdar, Jıdeıbaıdaǵy osy mýzeıge mindetti túrde baryńyzdar. Abaı álemine súńgısizder. Ári árbirińizdiń alatyn áserińiz de ártúrli bolmaq.
Abaı mýzeıin kórgenderińiz ben kórgilerińiz keletinder qol kóterip qoıyńyzdar ☺️
Marfýǵa Shapıan
