«I'm a Singer Kazakhstan» talanttar shoýyndaǵy talas-tartys kún ótken saıyn qyza túsýde. Qazir shoýda tek myqtylar ǵana qaldy, olardyń múmkindikterine «I'm a Singer Kazakhstan» shoýynyń qazylar alqasy baǵa beredi. Osy jeksenbi 19.00-de «31 arnadan» tamashalańyzdar!
Árbir shyǵarylym jańa bir juldyzdyń baǵyn jaqsa, naǵyz ádil qazylar qatysýshylardyń ónerine baǵa berý arqyly saıystyń kórkin qyzdyryp otyrady. Olardyń biri – qazaq estradasynyń «erke qyzy», týra minezimen erekshelenetin Maqpal Júnisova ótken jeksenbide qazylar alqasynyń quramyna qosyldy.
Baıqaýdyń jańa týrynda qatysýshylar sahnaǵa jup bolyp shyǵyp, dýet aıtady. Án shyrqalyp bolǵan soń qazylar kelesi kezeńge eki ánshiniń qaısysy ótetinin anyqtaıdy. Eń úzdik ánshi degen ataqqa talasqan ánshiler árbir jańa shyǵarylym saıyn jańa serpinge ıe bolyp, kórermenniń delebesin qozdyrýda. Bul joly kórermender de tek qana bir ánshige daýys bere alady. Shoý sońynda kóp daýys jınaǵan qatysýshy saıysta qalyp, jeńilgen ánshi shoýmen birjola qosh aıtysady.
«Bul shoýda óziniń ánshi ekenine shyn júregimen sezingen oryndaýshy ǵana jeńiske jetedi», - deıdi belgili ánshi, qazylar alqasynyń múshesi Sáken Maıǵazıev. Aıtqandaı, Sáken myrza moınynda úlken jaýapkershilik baryn túsingendeı. Óıtkeni buǵan deıin Maqpal Isabekova, Elhan úsheýi tańdaǵan ánshilerge budan bylaı asa qurmetti Maqpal Júnisova tórelik etetinin jaqsy biledi. Olardyń tańdaýyna Maqpal hanymnyń kózqarasy qandaı bolar eken?
Buǵan deıin talaılardy tamsandyryp, juldyz degen atqa ıe bolyp úlgergen qos ánshi Roman Kım men Roza Muqataeva osy shyǵarylymnyń da eń tamasha juby atandy. Buryn Romandy tek qana teledıdardan kóretin Roza óz oıyn bylaı jetkizdi: «Romanmen dýet aıtý keremet lázzat syılaıdy. Ol naǵyz ánshi, ándi júregimen shyrqaıdy. Men ony qatty qurmetteımin, ekeýmizden óte jaqsy dýet shyǵatynyna senimdimin. Bul joly ekeýmiz halyq áni «Arman-aıdy» oryndaımyz. Men bastaımyn, Roman joǵary notalardy alady». Al Roman bolsa: «Men úshin bul ándi oryndaý úlken jaýapkershilik. Ony jaı oryndamaý kerek, júrekpen túısiný qajet», - deıdi. «Romannan keıin án salý múmkin be?» - dep kúldi Roza.
Jeksenbi kúni Roman Kımge kórermender 66 upaı berse, Rozaǵa 34 upaı ǵana buıyrdy. Qazylar da 100 paıyzǵa Romandy qoldady. «Maǵan Romannyń oryndaýy qatty unady», - dedi Maqpal Júnisova. – Roza renjimesin, daýsy jaqsy bolsa jaqsy shyǵar. Biraq men seni buryn esh jerden kórgen emespin. Sondyqtan aıtarym, bul án sizge kelmeıdi». Roza, bul ándi oryndaý barysynda Romannyń tembri sizge qaraǵanda qyzyqtyraq, jaqsyraq boldy, - dedi áriptesiniń sózin qostaǵan Maqpal Isabekova. – Biraq dýet ádemi shyqty».
«Raqmet. Naǵyz qazaq qyzdaryna tán jomarttyq!» dep ázilmen qaǵytty júrgizýshi.
Áıtkenmen, talanttar shoýy – shynaıy, ádil ári qatań baǵalanatyn oryndaýshylar arasyndaǵy tartysty saıys. Ony Sılvıa men Djavıdtiń daıyndyǵy men án oryndaýynan da anyq kórýge bolady. Daıyndyq kezinen-aq Sılvıanyń áriptesine kóńili tolmaı, júıkesi juqara bastady. Kóńil-kúıi bolmaǵan ánshi birneshe ret daıyndyqqa qatyspaı ketip qaldy. Keıin ózi moıyndaǵandaı, oǵan oryndaıtyn túrik tilindegi án asa unamapty. Óıtkeni bul án shyǵys naqyshynda án oryndap úırengen Djavıdke ońaıǵa soǵypty. «Onyń janynda men qarapaıym ánshi sıaqty bolyp qaldym», - dep jylap jiberdi Sılvıa. Al negizinde, Djavıd aıtpaqshy, keıin ánshiniń ózi de túsingendeı, Sılvıanyń daýsy jaqsy bolǵanymen, boıynda ózine degen senimdilik joq eken. Djavıdpen birge daıyndyq kezinde boıjetken sony birden sezgen.
Qatysýshylardyń taǵdyryna alańdasańyz, osy jeksenbi 21.00-de «31 arnadan» shoýdy ótkizip almańyz. Esterińizge salsaq, bul joly júlde qory – 50 mıllıon teńge. Oǵan qosa, án jazý, beınebaıan túsirý, jeke konsert uıymdastyrý sıaqty árbir ánshi armandaıtyn syılyq taǵy bar. Al qazylardyń arnaıy syıy – avtokólik.
