Denıs Tenniń ólimine qatysty aıyptalýshylar kinásin moıyndamady dep habarlaıdy Qamshy.kz aqparat agenttigi informburo.kz saıtynyń deregin negizge alyp. 

Sot otyrysyn Keńshilik Ábdeldınov basqardy. Qylmystyq is 38 tomdy quraǵan. Aıyptalýshylardyń qatarynda Arman Qudaıbergenov, Nuraly Qıasov jáne Janar Tolybaeva bar.

Sot otyrysy kezinde jábirlenýshiler men aıyptalýshylar sýretke túsirýge qarsy boldy. Sot tergeýiniń bastalýyna deıin sot májilis zalynda jýrnalıser qatysty. Al qalǵan proses BAQ ókilderiniń qatysýynsyz ótti. 

♦"Denıs Tendi tapsyryspen óltirgen bolýy múmkin"

«Men urlyq jasadym. Ony moıyndaımyn. Alaıda kisi (Denıs Tendi — red.) óltirgen joqpyn. Men aınany urladym. Bul – shyndyq. Biraq kisi óltirý týraly oıymda da bolǵan joq. Men adam densaýlyǵyna zıan keltirmedim», — deıdi Arman Qdaıbergenov.

Al Nuraly Qıasov bolsa óz kinásin múldem moıyndamady.

«Men maǵan artylǵan kináni moıyndamaımyn. Men kisi óltirgen joqpyn, urlyq jasamadym», dedi Nuraly Qıasov.

Janar Tolybaeva sotqa ózine qatysty jasalǵan aıyppuldardy qaıta qarap shyǵýdy surady.

«Men qylmys bolyp jatqanyn bilmedim. Maǵan qatysty bapty ózgertýińizdi suramyn. Men Denısti pyshaqtaǵanyn da kórmedim. Maǵan taǵylǵan aıypty tolyq moıyndamaımyn», — deıdi aıyptalýshy Janar Tolybaeva.

♦Eki polıseı óz paryzyn adal atqarǵanda, Denıs Ten tiri qalar ma edi?!

Sot zalynda Ermek Janǵabaev esimdi jábirlenýshi de boldy.

«22 maýsymda tańerteńgi saǵat 8:30 - da jumysqa bara jatqanda, kóligimniń aınasy men kamerasy joǵalǵanyn baıqadym. Men birden polısıa shaqyrdym. Olar qujattama toltyryp, saýsaq izderin aldy. Sol kúni qoldanylǵan aınalardy satyp alyp, kóligime ornattym. Keıinnen maǵan tergeýshiler habarlasyp, urlanǵan aınanyń tabylǵanyn aıtty. Urlanǵan aına Qudaıbergenovten tabylǵan», deıdi jábirlenýshi.