Almatyda Abaı-Seıfýllın kósheleriniń qıylysynda bolǵan iri jol apatynyń úshinshi qurbany  Kókshetaýda dúnıege kelgen, Astana qalasynyń turǵyny, eki balanyń anasy, GuDi Group" JSHS tapsyryspen tamaq tasıtyn kompanıanyń atqarýshy dırektory bolyp qyzmet atqarǵan Dınara Qanatqyzy Hamıtova ekeni belgili bolǵan edi. 

Qamshy.kz aqparat agenttigi marqumnyń otbasyna qaıǵyra kóńil aıta otyryp, Dınara jaıly aqparat berýge tyrysqan edi. 

♦Jantúrshigerlik jol apatynda qaıtys bolǵan úshinshi adam kim?

 Belgili bolǵanyndaı, marqumnyń artynda kúıeýi, bir uly men bir qyzy qalǵan. Al osydan 5 kún buryn, ıaǵnı jol apaty bolǵan kúni Dınara Hamıtovanyń Instagram paraqshasyndaǵy jazbasy eldi  eleń etkizbeı qoımaıdy. Ádette jurt Jańa jylǵa birneshe saǵat qalǵanda ózine esep berip jatady. Al Dınara ajalyn erterek sezdi me eken, belgisiz, 29 jeltoqsanda esep berip úlgeripti. Joq, esep bermepti, "Osymen bitti" dep dos-jarandarymen qoshtasqan syńaıly. Jelidegi jazbasy tómende:

"Jurt ótken jylǵa qorytyndy jasap álek. 

Men úshin Jańa jyl - kúntizbedegi kúnniń aýysýy ǵana. Eshqandaı qorytyndy jasaǵym kelmeıdi. Sebebi, bári endi bastalady. Bul – balalarymsyz qarsy alatyn alǵashqy Jańa jylym. Sondyqtan muny óz basym mereke dep sanamaımyn. Sonda da bárińizdi kele jatqan merekemen quttyqtaımyn.

2018 jyl keremet ótti. Osymen bitti".