Almatyda Abaı-Seıfýllın kósheleriniń qıylysynda bolǵan iri jol apatynyń úshinshi qurbany Kókshetaýda dúnıege kelgen, Astana qalasynyń turǵyny, eki balanyń anasy, GuDi Group" JSHS tapsyryspen tamaq tasıtyn kompanıanyń atqarýshy dırektory bolyp qyzmet atqarǵan Dınara Qanatqyzy Hamıtova ekeni belgili bolǵan edi.
Qamshy.kz aqparat agenttigi marqumnyń otbasyna qaıǵyra kóńil aıta otyryp, Dınara jaıly aqparat berýge tyrysqan edi.
♦Jantúrshigerlik jol apatynda qaıtys bolǵan úshinshi adam kim?
Mundaǵy maqsat – kináli jazadan qutylyp ketpesin degen nıet-oımen oqyrman nazaryna jan-jaqty aqparat berip otyrý. Belgili bolǵandaı marqumnyń artynda kúıeýi, bir uly men bir qyzy qalǵan. Al osydan 5 kún buryn, ıaǵnı jol apaty bolǵan kúni Dınara Hamıtovanyń Instagram paraqshasyndaǵy jazbasy kóńilińdi eleńdetpeı qoımaıdy. Ádette jurt Jańa jylǵa jaqyndaǵan ýaqytta ótken jylǵa esep berip jatady, 31 jeltoqsanda. Al Dınara ajalyn sezdi me eken, belgisiz, 29 jeltoqsanda esep berdi. Joq, esep bermedi, "Osymen bitti" dep halqymen qoshtasqan syńaıly. Jelidegi jazbasy tómende:
"Jurt ótken yjlǵa qorytyndy jasap álek.
Men úshin Jańa jyl kúntizbedegi kúnniń aýysýy ǵana. Eshqandaı qorytyndy jasaǵym kelmeıdi. Sebebi, bári endi bastaldy. Bul – balalarymsyz qarsy alatyn alatyn alǵashqy Jańa jylym. Sondyqtan muny óz basym mereke dep sanamaımyn. Sonda da, bárińizdi kele jatqan merekemen quttyqtaımyn.
2018 jyl keremet ótti. Osymen bitti".
Pikir qaldyrý