2018 jyldyń 30 jeltoqsanynda saǵat túski 12:51-de evakýator joldan ótip bara jatqan ájeıdi qaǵyp, toqtamaı júrip ketken. Oqıǵa Gogol jáne Qonaev kósheleriniń qıylysynda boldy. 

Evakýatordyń ájeıdi qaǵyp ketken sáti basqa kóliktegi jolaýshylardyń vıdeosyna baıqaýsyzda túsip qalǵan. Vıdeoǵa nazar aýdarsaq, Qonaev kóshesimen kele jatqan evakýator Gogolge buryla bergende jaıaý júrginshilerge arnalǵan joldan ótip bara jatqan ájeıdi qaǵyp ketedi. Sál kidirgen kólik ary qaraı toqtamaı ketip qalǵan. Qulap qalǵan ájeı ornynan qaıta túregelgen, onyń jaraqat alǵan-almaǵany belgisiz. Oqıǵanyń vıdeosy tómende:

Eshkim zardap shekpegendikten oqıǵa jabýly qazan kúıinde qalýy múmkin. Alaıda qurbany kóp úlken apattyń aldy osyndaı kishigirim jaǵymsyz oqys jaǵdaıdan bastalady. Júrgizýshiniń ájeıdi qaǵyp ketkeni bylaı tursyn, ol oqıǵa ornynan taıyp turǵan. Evakýator júrgizýshisin taýyp, tıisti jazasyn berý – quqyq qorǵaý organdarynyń mindeti.