Qaraǵandy oblysynda zańsyz kıik aýlaǵan polısıa kapıtany jaýapqa tartyldy dep jazady Qamshy.kz aqparat agenttigi.  Bul týraly QR ASHM orman sharýashylyǵy jáne janýarlar álemi komıtetiniń baspasóz hatshysy Sáken Dildahmet habarlady.

2018 jyldyń 25 jeltoqsanynda Qaraǵandy oblysynda tabıǵat qorǵaýshy ınspektorlary Nura aýdanynyń aýmaǵyna reıd júrgizgen. Reıd barysynda «Janbóbek» aýylynan 30 shaqyrym jerde synǵan «Toıota Lend Krýzer-100» jáne «Toıota Lend Krýzer-80» markaly avtokólikter tabyldy.

«Inpektorlar atalmysh avtokólikterdiń izimen júre otyryp, atylǵan 18 kıiktiń tutas etin anyqtady. Keıin oqıǵa ornynan izin sýytyp úlgergen adamdardy izdestirý bastaldy. Shubarkól aýyldyq okrýginiń ýchaskelik polısıasynyń aqparaty boıynsha ınspektorlar Ulytaý aýdanynyń Alǵabas aýylynan shyqty. Alǵabas aýylynda Ulytaý aýdandyq İİB polısıasynyń ýchaskelik ınspektory Bralınov M.J-nyń saraıynan atylǵan 12 kıiktiń tutas eti tabyldy», - dedi Sáken Dildahmet feısbýk paraqshasynda. 

Qazir atalmysh derek boıynsha Qylmystyq kodekstiń 337-baby 4-bóligi boıynsha qylmystyq is qozǵaldy.