"Qaraǵandyda qazaq bar eken ǵoı!" Bul Aıtqoja Fazyl aǵamyzdyń sózi. Osy kezge deıin jeke batyr bop kelgen aǵamyz tańdanysy men súısinisin jasyra almady. Iá, Qaraǵandyda qazaq bar! Osy kezge deıin "Karlag" dep qorlap kelgen, qorsynyp kelgen Qaraǵandy qazaǵy bar ekenin bildirdi. "Qarnymnyń ashqanyna jylamaımyn, qadirimniń qashqanyna jylaımyn", — deıtin qazaq qadiriniń qashqanyna kúıinip, ádildikti talap etýde.

Ahmet Baıtursynuly: memleket bolý úshin baı bolý kerek, baı bolý úshin kásip kerek deıdi. Aıtqoja aǵamyz:  "bizde rýh bar!", – dedi. Aqsaqal ashshy bolsa da shyndyqty aıtty.

Sonda qazaqtyń baılyǵy qaıda?! Qazaqtyń baılary qaıda? Qazaq nege kedeı? Onyń sebebin taǵy Ahmet Baıtursynuly aıtady: "El baǵatyndar el baǵýlaryn jaqsy bilýleri kerek". Shynyn aıtý kerek, el baǵatyndar elin baǵa almaı otyr. Elin durystap baqsa, qazaq óz jerinde ózi tómenshiktep, ıtten qor bop júrmes edi ǵoı. Qazaqta patrıot degen sóz joq. Qazaqta ultshyl degen sóz bar. Ultshyl - ultyn, elin, memleketin súıetin adam (shynshyl - shyndyqty súıýshi degendeı). Qazaq ultshyldyǵy oıanyp keledi.

Karlagtyń - ezilgender men janyshtalǵandardyń, jazyqsyz japa shegip, ómiri qapas pen qorlaýda ótken otany - Qaraǵandyda úreıdiń bulty ydyrady. Halyq azamatyn izdep kóshege shyqty. El ıesiz emes, jer kıesiz emes. Eldiń ıesi de , jerdiń ıesi de - qazaq! Muny el baǵatyndar qaperinde ustaý kerek. Bes kúndik jalǵan úshin qazaqtyń múddesin satqandar, - endi senderdi halyq keshirmeıdi. Osyny bilińizder. Óıtkeni El ıesiz emes, jer kıesiz emes! Eldiń nazasy, jerdiń kıesi uryp júrmesin senderdi.

Omar Jálelulynyń feısbýk paraqshasynan