2019 jyldyń basy shoý-bıznes úshin qutty da berekeli jyl boldy. Birneshe otbasy besik toıyn toılap, qýanyshqa bólendi. «Aspanǵa qarap juldyzdy sanaıtyn» Abaı Begeı de jyl bastala salysymen, jarynyń bosanatyn aı-kúnin sanap júrdi. Mezgili jetip Farıza esimdi jary shekesi torsyqtaı ul syılady. Sábıdi perzenthanadan shyǵarý rásiminde  ánshiniń ómirdegi, ónerdegi dostary perzenthana aldyn shoý qylyp jibergen. Ulyna Músilim degen esim tańdaǵan ónerli áke óz qýanyshyn jasyra alar emes. Búginde Abaı sábıiniń «qyryq kún toıyn, otyz kún oıyn» toılatyp júr.

Al, Jorabaevtar áýletinde eki batyrdan keıin, kóp kúttirgen kestetiger qyz ómirge keldi. Úshinshi ret áke atanǵan Talǵat Jorabaev óz qýanyshyn bizben bólisti.

Talǵat Jorabaev: «Otbasymda eki uldan keıin náp-názik perishtedeı bolyp qyzym dúnıege keldi. Ulǵa qaraǵanda salmaqty. Kóp jylaı bermeıdi. Alla Taǵala múmin qulyn qorǵaǵysy kelse ul beredi. Meıirimin tókkisi kelse, qyz beredi. Sondyqtan qýanamyn. Alla meniń otbasyma meıirimin tógip tur dep oılaımyn. Esimin Medına dep qoıdyq. Jubaıym ekeýmiz aqyldasa kele osy esimdi tańdadyq. Sebebi men birneshe ýaqyt buryn Medına qalasynda boldym. Sol qalanyń aýrasy maǵan qatty unady. Alańsyz balalyq shaǵymdy elestetti. Týylǵan kezde salmaǵy – 2 keli 800 gram. Boıy 50 sm boldy. Ózim de bolashaqta kóp balaly áke bolǵym keledi. «Jeti ul-qyzym bolsa eken» dep armandaımyn. Allaǵa sansyz shúkirlik etemin».

Keshú tobynyń eks-solısi Aqbotanur Seıtmaǵanbet te qyzdy boldy. Ónerli otbasy qyzdaryna Aısha esimin bergen. Ibrahım atty uldarynan keıin Daýren men Aqbota qyz  kútken eken.

Dese de, bıylǵy jyldyń basy qýanyshpen bastaldy. Kóp shańyraq sábıdiń kúlkisine tolyp, shattanyp jatyr. Bul basy ǵana dep bilemiz. Ázirge juldyzdar demografıany kóterýge atsalysýda aıanyp jatqan joq.