BALALYQ SHAǴY

Álemdi aýzyna qaratqan qara násildi telejúrgizýshi, prodúser, aktrısa Opra Ýınfrı talaı jannyń kýmıri desek te bolady. 1954 jyly 29 qańtarda dúnıege kelgen ataqty Opra bar ǵumyryn televızıa salasyna arnaǵan.

Onyń balalyq shaǵy qıyndyqqa toly boldy. Alǵashqy qoıylǵan aty Orpa bolatyn. Týma-týystary jáne dostary bul esimdi durys aıta almaǵandyqtan, Opra dep atap ketken.

Anasy Vernıta Lı úı qyzmetkeri, ákesi Vernon Ýınfrı áýeli áskerı qyzmetker, keıin shashtaraz qyzmetin atqarǵan. Onyń ata-anasy zańdy nekede bolmaǵan. 6 jasyna deıin Opra ájesiniń qolynda ósip, 2.5 jasynda hat tanı bastaıdy. Ájesi dinı qyzmetker bolǵandyqtan, Opra Bıblıany jattap ósedi. Qatal tárbıemen ósken kishkentaı qyz alǵyr bolǵandyqtan mektep tabaldyryǵyn úshinshi synyptan bastaıdy. 6 jasqa kelgende anasymen birge Vıskonson shtatyna keledi. Bul jaqta ol «kishkentaı orator» degen ataqqa ıe bolady. Telejúrgizýshi 8 jasynda ákesiniń shaqyrtýymen Neshvıl qalasyna barady.

9 jasynda Oprany 19 jasar nemere aǵasy zorlap ketedi. Qyzdyń jaq ashpaýy úshin oǵan balmuzdaq satyp áperedi. Alaıda, oǵan jan-jaqtan túrli qorlyq kórsetile bastaıdy. 14 jasynda aıaǵy aýyrlap bala bosanady. Biraq bala týyla salyp shetinep ketedi.

MANSAP JOLY

1971 jyly Opra baıqaýǵa qatysyp, baq synaıdy. Sol kezde CBS arnasy oǵan usynys tastaıdy. Alǵash keshki jańalyqtarda komentatordyń kómekshisi bolyp qyzmet etedi. 1976 jyly WJZ-TV arnasyna qyzmetke ornalasyp, 6 saǵattyq jańalyqtar júrgizýshisi men  tańǵy tok-shoýdyń tiziginin ustaıdy. 1985 jyly kınoǵa túsip,  óziniń aktrısalyq mansabyn bastaıdy. Alǵash túsken fılmi «Svet pýrpýpa» (The color Purple) dep atalady. Bul joly da úlken jetistikterge qol jetkizedi.  «Zolotoı Globýs» jáne «Oskardyń»  eń úzdik qosalqy áıel róli úshin syılyǵymen marapattalady..

1986 jyly ataqty baǵdarlamasy «Shoý Opra Ýınfrı» ashylady. Osy kezde telejúrgizýshiniń ataǵy álemge jaıyla bastady. «King World Productions»

telekompanıasymen birlese otyra jumys istep, Opra eń qymbat telejúrgizýshi jáne eń baı qara násildi áıel atandy. Baǵdarlamanyń qonaqtary - saıasattanýshylar: Bıll Klınton, Djordj Býsh, Donald Tramp; ataqty óner juldyzdary: Madonna, Maıkl Djekson, Rıkı Martın, Al Pachıno boldy.

Ataqty teleshoý álemniń 164 memleketinde kórsetilip, 4561 epızod túsirildi. 2011 jyl baǵdarlama jabyldy. Baǵdarlama jabyla salysymen Opra óziniń jeke   OWN  (OPRA WINFREI NETWORK) dep atalatyn telearnasyn ashady. Búginde Opra qaıyrymdylyq qoryn jáne óziniń jeke jýrnalyn basqarady.

JEKE ÓMİRİ

Opra  Stedem Grehem esimdi azamatpen kóńil qosqan. Olar 1992 jyldan beri azamattyq nekede turady. Alǵash 14 jasynda bala týǵan ol munan keıin ana bolý baqytyn sezinbegen.

                                                                                                   Usynǵan: Ásem Merekeqyzy