Qytaıdyń «Sınhýa» aqparat agenttigi álemdegi alǵash robot telejúrgizýshini jasap shyǵardy. 2018 jyly jergilikti «Sınhýa» aqparat agenttigi Sogou.com kompanıasymen birge dıktor robotty tanystyrǵan bolatyn. Robot-jýrnalıst Sın Sáomen esimin ıemdenip te úlgergen.

Alǵashqy júrgizgen baǵdarlamasy ıýtýb arnasynda jarıalanǵan.

Sın Sáomenniń efırdegi bet-beınesi men is-qımylyn qadimgi júrgizýshilerden ajyratý múmkin emes. Mundaı telejúrgizýshi Qytaıda – ekeý ǵana. Tipti ózara bir-birine jalǵaný arqyly bir baǵdarlama júrgizip te shyǵa alady eken. Osy ýaqytqa deıin 3400 reportaj jazyp, ekran aldynda 10 myń mınýttan artyq sóılep úlgergen.  

Robot júrgizýshiniń resmı tusaýkeseri naýryz aıynda bolady dep josparlanýda. Robot-dıktor ulttyq kongrestiń otyrysyna qatysady.