Búkil álemdik bank zertteýshileri álemniń 187 memleketindegi genderlik teńdik máselesin zerttep kóripti. Ol memleketter arasynda Qazaqstan da bar.

Nátıjesinde, barlyq krıterııler boıynsha 100 baldyq kórsetkishte tizimdi bastaǵan 6 memleket mynalar: Belgıa, Danıa, Latvıa, Lúksembýrg, Fransıa jáne Shvesıa. Al eń tómengi kórsetkishti Aýǵanstan, Qatar, Kýveıt, Birikken Arab Ámirlikteri, Saýda Arabıasy, Sýdan, Iran kórsetti.

Al Qazaqstan 75,6 baldyq kórsetkishpen ortańǵy shepten kórindi. Bir qyzyǵy, elimiz Reseı men Ózbekstandy basyp ozypty. Al Tájikstan, Qyrǵyzstan jáne Ýkraınadan tómengi orynda tur.

Zertteý barysynda zańnamadaǵy jáne reformalardaǵy tıisti ózgeristerdi esepke ala otyryp, eńbek, múlik, otbasylyq quqyq salasyndaǵy kórsetkishter eskerildi. Sarapshylar áıelderdiń múmkindikteri men ekonomıkalyq aýqymdylyq máselelerine baılanysty 35-ke jýyq krıterıımen eseptedi.

Usynǵan: Gúlim Jaqan