Jańa bilim mınıstri Kúlásh Shamshıdınova úsh tildilikke qatysty óz oıymen bólisti dep jazady Qamshy.kz aqparat agenttigi. Onyń aıtýy boıynsha balalar eń aldymen óz ana tilin, qazaq tilin bilýi kerek. 

"Eń birinshi, balalar óz ana tilin, qazaq tilin bilýi kerek. Sebebi, qazaq tilin biz Qazaqstanda ǵana damyta alamyz. Ekinshiden, jalpy ıntegrasıalaný úshin, basqa kórshi memlekettermen jumys isteý úshin bizge orys tili men aǵylshyn qajet. Mine, osy jaǵdaıǵa baılanysty qazir mektepterde pánder qazaq, orys jáne aǵylshyn tilinde oqytylýda", - deıdi jańa mınıstr. 

Sondaı-aq Kúlásh Shamshıdınova pánderdi aǵylshyn tilinde oqytýǵa qatysty da pikir bildirdi. 

"Árıne, eldiń bárin kóp tolǵandyryp, kóp shýlatqan másele – ol pánderdi aǵylshyn tilinde oqytý. Qazir mınıstrlik kadrlardyń daıyndyǵyna qaraı pándrdi aǵylshyn tilinde oqytýǵa birtindep kóshýdi qarastyrýda. Al 2016 jyly JOO aǵylshyn tilinde sabaq beretin muǵalimder daıarlaý jónindegi memlekettik tapsyrys berilgen bolatyn. Atalmysh tapsyryspen bolashaq muǵalimder kelesi jyldan bastap ýnıversıtterdiń qabyrǵalarynan shyǵa bastaıdy.Sondyqtan da balalardy aǵylshyn tilinde oqytý máselesi kezeń-kezeńmen, kadrlardyń jáne mektepterdiń daıyndyǵyna baılanysty mektepterdiń qalaýymen birtindep engiziledi. Biz qazir 15 mektep nemese 20 mektep engizsin degen talap qoıyp otyrǵan joqpyz", - dedi Shamshıdınova.

Usynǵan: Ásel Bolatqyzy