Kúlásh Shamshıdınova kelesi jyly jańa bilim baǵdarlamasy qabyldanatynyn málimdedi.

Bilim jáne ǵylym mınıstri Kúlásh Shamshıdınova memlekettiń bilim salasyndaǵy saıasatyn odan ári jalǵastyratynyn jetkizdi, dep habarlaıdy Qamshy.kz aqparat agenttigi Sputnik Qazaqstanǵa silteme jasap.

"Birinshiden, ár mınıstr óz reformasyn engizbeıdi. Jalpy memleketimizde bilim saıasatyna qatysty qalyptasqan sharalar bar. Mine, biz osy sharalardy engizemiz. Biraq, ár mınıstr keıbir máselelerde asyǵýy nemese keı máselelerdi tejeýi múmkin, keıbir máselelerdi óz turǵysynan qaraýy múmkin", - dedi Shamshıdınova úkimet kýlýarynda.

Vedomstvo basshysy kelesi jyly jańa bilim baǵdarlamasy qabyldanatynyn jetkizdi.

"Qazaqstannyń bilim baǵdarlamasy bıyl aıaqtalyp, kelesi jylǵa jańa bilim baǵdarlamasy qabyldanady. Biraq, jańa bilim baǵdarlamasy aıasynda úlken kúrdeli ózgerister týraly áńgime aıtylyp otyrǵan joq. Biz bastalǵan sharýany óz bıigine shyǵarýymyz kerek", - dedi mınıstr.

Al jýrnalıserdiń "mınıstrlik Saǵadıevtiń saıasatyn jalǵastyrady dep aıta alamyz ba?" degen suraǵyna:

"Biz Saǵadıevtiń saıasatyn emes, memlekettiń bilim salasyndaǵy saıasatyn jalǵastyramyz", - dep jaýap berdi.

Usynǵan: Nazerke Labıhan