2018 jyldyń maýsymynda Almaty turǵyndarynyń nazaryn túgeldeı ózine aýdarǵan ári synyna qalǵan "ǵajap" týyndy – alyp tıin jaıly búgin taǵy aıtyldy. 

Atyshýly tıindi endi Naýryz meıramyna qarsy sándemek. Basyna taqıa kıgizip, qolyna alyp jańǵaqtyń ornyna qyzǵaldaq gúlin ustatyp qoımaq. «Dál osyndaı kúıde álgi tıin bir aı boıy qalaǵa kórik syılap turady» deıdi músindi qurastyrýshylar. Al tıindi sándeý úshin Funk agenttigine 170 myń teńge qarajat shyǵarý kerek.

♦Túımedeıdi túıedeı etetin tıinnen almatylyqtardyń aıyrmashylyǵy joq dedi Baıbek

«Qyzǵaldaq kózge kórinerlikteı ashyq tústen bolady. Osylaısha tıin dástúr men jańa ǵasyrdy ushtastyryp turaady ári merekeniń sımvolyna aınalmaq, odan kóktemniń shýaqty kúnderiniń lebi sezilip tursa deımiz», - delingen Funk agenttiginen habarlamasynda.

22 naýryz kúni art-nysannyń aınalasynda NowRyz party atty fesıval ótkizý josparlanyp otyr.

♦Almatydaǵy alyp tıindi jasaý úshin  23 mln teńge ketken

Al tıinniń aınalasyna qazaq úıler tigilip, tegin baýyrsaqtar taratylady.

Esterińizge sala keteıik, almatylyqtardyń synyna aınalǵan alyp tıinniń músini «Atakent» kórmesiniń aldynda shildeniń basynda paıda bolǵan edi. Anyqtalǵandaı tıindi jasaý úshin memlekettik jáne jobany uıymdastyrýshy kompanıanyń búdjetinen jalpy 23 mıllıon qarajat ketken. Al joba avtory – sýretshi Aleks Rınsler.

Usynǵan: Gúlim Jaqan