Keıde adamdardyń shekten tys qyzyǵýshylyǵy fanatızmge ulasyp ketedi. Bireýler muny aýrý deıdi. Al fanatızmniń zıany bar ma? Qamshy.kz aqparat agenttigi jazady.
Fanatızm aǵylshyn tilinen aýdarǵanda "qurbandyq" degendi bildiredi. Fanatızmge shaldyqqan adam belgili bir tulǵaǵa nemese uǵymǵa senedi jáne soǵan sózsiz qaltqysyz beriledi, basqa eshqandaı balamany qabyldamaıdy. Fanatızm sol jolda qurban bolýǵa daıyndyqpen astasady.
Ǵalymdar fanattardyń óz kýmırin kórgende qandaǵy konsentrattardaǵy testosteronnyń deńgeıi joǵarylap ketetinin aıtady. Sonymen qatar, fanat ózine unaıtyn tulǵany minsiz dep oılaıdy jáne sonyń ómirimen ómir súrip, sol adam sekildi bolǵysy keledi. Ol óziniń kim ekenin de umytýy múmkin. Fanatızm - tabynýshylyqtyń shetten shyqqan, asqynǵan túri. Fanat óziniń bar energıasyn ózi eshqashan kórmegen adamǵa jumsaıdy.
Bul jaıt ásirese jastar men jasóspirimderdiń arasynda óte kóp. Balalarynyń bólmesine kire qalsa, bólme qabyrǵalaryna japsyrylǵan juldyzdardyń sýretin kóredi, biraq ata-analar buǵan mán bermeıdi. Balanyń ótpeli kezeńine balaıdy. Alaıda, bul jaǵdaı ótpeli kezeńniń qyzyǵýshylyǵy ǵana emes, óz kezeginde jasóspirimderge zıanyn shektirýde. Ásirese jas qyzdar sol sýrettegi juldyzdardyń ashyq-shashyq kıimine, battastyryp jaǵylǵan boıaýyna birden elikteıdi. Solar sıaqty "sulýlyqqa" qol jetkizgisi, tipti bet-álpetin solarǵa uqsatqysy keledi. Osy sebepten de plasıkalyq ota jasatyp jatqandar da az emes. Áldekimge eliktep, olardy ne úshin jaqsy kóretinin jastardyń ózderi de túsinbeıdi.
Fanatızm óte qaýipti. Sondyqtan, shynaıy ómirde sóılesetin jaqyndarǵa, týystarǵa, dostarǵa kóp nazar aýdarǵan durys. Fanatızmniń emi - adamnyń tulǵaǵa qurmetpen qaraýyndaǵy aqyl men bilim mádenıeti. Sonymen qatar, juldyzdarǵa emes, Alla elshisine kóbirek eliktesek, áldeqaıta baqytty bolar edik.
Pikir qaldyrý