Premer-mınıstrdiń orynbasary Ermek Kósherbaev májilis depýtattarynyń saýalyna jaýap retinde Qazaqstanda orta medısınalyq qyzmetkerlerge dárigerdiń taǵaıyndaýy boıynsha dáriler reseptin jazýǵa ruqsat berý josparlanyp otyr.
Ermek Kósherbaevtyń aıtýynsha, 2023 jyldyń shildesinen bastap dıspanserlik esepte turǵan pasıentterge úsh aıǵa deıingi merzimge resept jazýǵa múmkindik berilgen. Emhanalarda dári-dármek pen medısınalyq buıymdar QR-kod, SMS kod nemese qaǵaz túrinde beriledi. Búginde bul júıe 744 medısınalyq uıymdy qamtıtyn "Áleýmettik ámıan" jobasy arqyly júzege asyrylyp otyr.
"Qazir mınıstrlik dárigerdiń taǵaıyndaýy bolǵan jaǵdaıda dárilik zattarǵa reseptterdi orta medısına qyzmetkerleriniń jazý máselesin pysyqtap jatyr. Iaǵnı sozylmaly aýrýlary bar naýqastarǵa resept alý úshin dárigerge barmaı-aq, medbıkege júginý jetkilikti bolady", – dedi Kósherbaev.
Sonymen qatar ol densaýlyq saqtaý mınıstrligi satyp alynatyn dári-dármekter tizimin qaıta qaraǵanyn atap ótti. Óndiristen alynǵan dáriler tizimnen shyǵarylyp, olardyń ornyna jańa ınovasıalyq preparattar engizilgen. Qazir bul buıryq jobasy memlekettik organdarda kelisý satysynda tur. Jańartylǵan tizimge 19 dári engizilip, 172 dárilik zat pen medısınalyq buıym alyp tastaldy.
2025 jyldyń sáýirinde ambýlatorıalyq qamtamasyz etý tiziminen ólim-jitim men ómir súrý uzaqtyǵyna áser etpeıtin 32 aýrý túri (nozologıa) shyǵaryldy. Qazir mınıstrlik 12 áleýmettik mańyzy bar aýrýdy TMKKK (Tegin medısınalyq kómektiń kepildik berilgen kólemi) paketinen MÁMS (Mindetti áleýmettik medısınalyq saqtandyrý) júıesine kóshirý boıynsha ózgerister ázirledi.
