2025 jylǵy 25 sáýirde QR Premer-mınıstri Oljas Bektenov «Qandas mártebesin berý tetigin ózgertý boıynsha usynystar ázirleý úshin jumys tobyn qurý týraly» № 68 ókimge qol qoıdy.
Ókimge sáıkes, qandas mártebesin berý tártibine zańnamalyq ózgerister engizý jónindegi usynystardy ázirleý maqsatynda jumys toby quryldy. Jumys toby 2025 jylǵy 30 mamyrǵa deıin qandas mártebesin berý rásimin qaıta qaraý boıynsha zańnamalyq túzetýlerdi ázirlep, olardy QR Úkimeti Apparatyna engizýi tıis.
Ókimniń oryndalýyn baqylaý jáne jumys tobynyń qyzmetin úılestirý QR Premer-mınıstriniń orynbasary Ermek Kósherbaevqa júkteldi.
Jumys tobynyń quramyna kirgender:
-
QR Premer-Mınıstriniń orynbasary (top basshysy);
-
QR Eńbek jáne halyqty áleýmettik qorǵaý vıse-mınıstri (top basshysynyń orynbasary);
-
QR Eńbek jáne halyqty áleýmettik qorǵaý mınıstrligi Kóshi-qon komıtetiniń tóraǵasy (top hatshysy);
-
QR Ulttyq qaýipsizdik komıteti tóraǵasynyń orynbasary (kelisim boıynsha);
-
QR Ádilet vıse-mınıstri;
-
QR Ǵylym jáne joǵary bilim vıse-mınıstri;
-
QR Densaýlyq saqtaý vıse-mınıstri;
-
QR Mádenıet jáne aqparat vıse-mınıstri;
-
QR Oqý-aǵartý vıse-mınıstri;
-
QR Syrtqy ister mınıstriniń orynbasary;
-
QR Ulttyq ekonomıka vıse-mınıstri;
-
QR Sıfrlyq damý, ınovasıalar jáne aeroǵarysh ónerkásibi vıse-mınıstri;
-
QR İshki ister mınıstriniń orynbasary;
-
QR Úkimeti Apparatynyń Áleýmettik damý bóliminiń meńgerýshisi;
-
Oblystardyń, respýblıkalyq mańyzy bar qalalar men astananyń ákimderiniń orynbasarlary.
Anyqtama retinde:
2025 jylǵy 24 sáýirdegi QR Eńbek jáne halyqty áleýmettik qorǵaý mınıstrliginiń málimeti boıynsha, bıyl 3 200-den astam etnıkalyq qazaq qandas mártebesin aldy.
Sondaı-aq, mınıstrliktiń buıryǵymen 2025 jylǵa arnalǵan qandastar men qonys aýdarýshylardy qabyldaýdyń óńirlik kvotasy 9 653 adamdy qurady. Bul kórsetkish 2024 jylmen salystyrǵanda 170 adamǵa artyq.
