Marat Spataev Shymkent qalalyq Jastar resýrstyq ortalyǵy basshysy qyzmetinen ketti

Shymkent qalalyq Jastar resýrstyq ortalyǵynyń basshysy bolǵan Marat Spataev qyzmetinen bosatyldy. Bul týraly ol óziniń áleýmettik jelidegi paraqshasynda habarlady.

Óz jazbasynda ol ortalyqtaǵy basshylyq qyzmetin resmı túrde aıaqtaǵanyn aıtyp, áriptesterine, basshylyqqa jáne seriktesterine alǵys bildirdi.

– Bul men úshin ómirimniń mańyzdy, jaýapty ári erekshe kezeńderiniń biri boldy. Osy ýaqyt ishinde birge jumys istegen barlyq áriptesterime, senim bildirgen basshylyqqa jáne qoldaý kórsetken seriktesterge zor alǵysymdy bildiremin. Jastarmen jumys isteý – meniń júrek qalaýym ári ómirlik ustanymym, – dep jazdy ol.

Marat Spataev sonymen qatar jastar saıasaty salasyndaǵy izdenisin ári qaraı jalǵastyratynyn aıtty.

– Aldaǵy ýaqytta da shyraıly Shymqalamyzdyń gúldenýine birge atsalysamyz degen úmittemin. Eks-áriptesterime aıtarym – óz basym eshqashan “Ia nachalnık – ty dýrak” deıtin keńestik kózqarasta bolǵan joqpyn. Ómir ótkinshi, al shynaıy syılastyq – máńgilik. Jastardyń bolashaǵyna az da bolsa úles qosý – úlken mártebe, – dedi ol.

Eske sala keteıik, buǵan deıin Marat Spataev áleýmettik jelidegi jazbaǵa "laık" baspaǵan qyzmetkerlerin jazalaǵany týraly aqparat taraǵan bolatyn.