Almatyda Qazaqstan medısınasynyń tarıhynda alǵash ret shala týylǵan nárestelerge erte bastan vıtrektomıa jasaý – sábılerdiń kórý qabiletin máńgilikke joǵaltpaýǵa múmkindik beretin joǵary tehnologıalyq operasıa boıynsha halyqaralyq sheberlik synyby ótti.
👏Bul hırýrgıalyq tájirıbeniń tórt kúni ǵana emes edi – osy tórt kúnniń ishinde shyn máninde janarlar, jaryq álem men bolashaq qutqaryldy. Óıtkeni sábı shaqtan kórý qabiletinen aırylyp qalý – tek medısınalyq dıagnoz emes. Bul – álemnen, gúlderden, ananyń júzinen, nurǵa janasýdan, qozǵalýǵa qoryqpaýdan, úırený, oınaý, armandaý múmkindikterinen de aıyrylý degen sóz. Soqyrlyq – bul búkil tirshiligińdi qarańǵylyqqa kómetin túpsiz tynyshtyq. Biraq, eger der kezinde úlgerseńiz – osy tynyshtyqty toqtatýǵa bolady.
Sheberlik dárisi Balalarǵa jedel medısınalyq kómek kórsetý ortalyǵynda (Almaty q.) shala týylǵan náresteler retınopatıasynyń aýyr túrlerin emdeýge mamandanǵan álemge áıgili úndi oftalmologıalyq hırýrgy, doktor Nıhıl Paldyń qatysýymen ótti. Tórt kún ishinde onyń jetekshiligimen dárigerler brıgadasy Qazaqstannyń 12 oblysynan kelgen 14 balaǵa 20 ota jasady. Eń kishkentaı naýqastyń jasy nebári – 2,5 aılyq.
Sheberlik dárisiniń ózekti taqyryby balalar oftalmologıasyndaǵy eń kúrdeli de qorqynyshty dıagnozdardyń biri: shala týǵandardyń retınopatıasy (RN) boldy.
❕Dúnıejúzinde kóz torynyń osynaý aýrýy jańa týǵan nárestelerdi soqyrlyqqa dýshar etetin negizgi sebepteriniń biri. Qazaqstanda jyl saıyn 22 myńnan astam shala týǵan náreste dúnıege kelse, olardyń 4 myńǵa jýyǵy retınopatıa qaýpimen betpe bet keledi.
«Sońǵy jyldary retınopatıa Qazaqstanda sábıler soqyrlyǵynyń naǵyz indetine aınaldy. Bul kún saıyn emes, saǵattap órshıtin aýrý. Eger keshiktirseńiz, bala anasynyń júzin eshqashan kórmeı ótýi múmkin», - deıdi elimizdiń jetekshi balalar oftalmology Ásel Sháripova.
Sońǵy 10 jylda osy máselede Qazaqstanda aıtarlyqtaı jetistikterge qol jetkizildi: erte dıagnostıkalyq hattamalar engizildi, 40-tan astam oftalmolog oqytyldy, aımaqtyq brıgadalar quryldy. Biraq, osy ýaqytqa deıin aýyr, termınaldy kezeńderde balalardy emdetý úshin shetelge barýǵa májbúr boldy, óıtkeni elimizde eń kúrdeli vıtrektomıa otasy jasalmaıtyn.
Buryn balalar kórý qabiletin qaıtarý úshin osyndaı kúrdeli aralasýlar jasaý úshin shetelge jiberiletin.
👉Endigi jerde, sheberlik sabaǵynyń arqasynda mundaı kómek Qazaqstanda da qoljetimdi bolyp otyr. Bul tek tehnologıalyq serpilis qana emes, sonymen qatar eń kishkentaı pasıentterge kómek kórsetýdiń jańa dáýiri – olardyń emdelýi úshin shekara asýǵa táýeldilikten arylý kezeńi.
Osynaý umtylystarda operasıalar jasalǵan Balalarǵa jedel medısınalyq kómek kórsetý ortalyǵynyń operasıalyq bólimshesiniń jabdyqtary erekshe ról atqardy.
AYALA qorynyń «Álemdi kóremin» jobasyn qoldaǵan Chevron kompanıasynyń arqasynda munda zamanaýı Constellation lazerlik hırýrgıalyq jabdyǵy paıda boldy, oǵan qosa bul erte vıtreoretınaldy hırýrgıa úshin de osyndaı kúrdeli otany júrgizýdiń qajetti sharty bolatyn. Bir jaǵynan bul naqty qutqarý júıelerin qurýda ártúrli Qorlardyń birlesken kúsh-jigeri qalaı kómektesetininiń jarqyn úlgisi.
Sheberlik dárisi aıasynda Astana, Shymkent jáne Almaty qalalarynan 10 otandyq dáriger biliktiligin arttyrǵany mańyzdy ekendigin atap ótken jón.
Bul uzaq merzimdi keleshekte turaqty kásibı bazany qalyptastyrýǵa jáne el ishinde joǵary tehnologıalyq oftalmologıalyq hırýrgıanyń múmkindikterin keńeıtýge múmkindik beredi – osylaısha mundaı kómek shetelge barmaı-aq, osy jerde, úıde de qoljetimdi bolyp otyr.
✔️Operasıalardan bólek, mamandar oftalmologıalyq kómek júıesin damytý, qazaqstandyq dárigerlerdi oqytý máselelerin, sondaı-aq balalar oftalmologıasy men medısınalyq týrızm salasyndaǵy halyqaralyq yntymaqtastyq keleshegin de talqylady.
🤝Búgin Qazaqstan tehnologıalyq táýelsizdik turǵysyndaǵy ǵana emes, eldegi árbir balanyń kózi kórip, balalyq shaǵyna, jaryq álemge joldama beretin qadamyn bastady.
