Sara Nazarbaeva qazir prezıdent ákimshiligindegi medısınalyq ortalyǵynyń Ulttyq gospıtalinde em qabyldap jatyr.

Ulttyq gospıtál barlyq medısınalyq sharalar bekitilgen standarttarǵa sáıkes jáne bilikti mamandardyń baqylaýynda júrgizilip jatqanyn habarlady.

Sonymen qatar mekeme ákimshiligi qazirgi zańnamaǵa sáıkes, pasıenttiń dıagnozy, densaýlyq jaǵdaıy, emdeý ádisteri men nátıjeleri medısınalyq qupıa bolyp sanalatynyn atap ótti. Bul málimetter tek naýqastyń kelisimimen nemese zańda kózdelgen negizder boıynsha ǵana jarıa etiledi.

"Medısınalyq etıka qaǵıdattary men kásibı jaýapkershilikke sáıkes, medısınalyq uıymdar jeke derekterdiń qupıalylyǵyn qamtamasyz etýge mindetti. Aqparatty jarıa etpeý týraly sheshim pasıenttiń múddesin qorǵaý, onyń jeke ómirine qurmet kórsetý jáne emdeý prosesine syrtqy aralasýǵa jol bermeý maqsatynda qabyldandy", – delingen resmı málimdemede.