Qasym-Jomart Toqaev "QR Úkimeti men Birikken Arab Ámirlikteriniń Úkimeti arasyndaǵy jel elektr stansıasy jobasyn iske asyrý týraly kelisimdi ratıfıkasıalaý týraly" zańǵa qol qoıdy.
Kelisimge 2023 jyldyń 2 jeltoqsanynda Dýbaıda qol qoıylǵan.
Atap aıtqanda, Jambyl oblysynda qýaty 1 GVt jel elektr stansıasyn salý josparlanýda.
Jel elektr stansasynyń jobasy kúshti jel kezinde óndirilgen artyq energıany jınaqtaýǵa jáne ony eń joǵary júkteme kezinde jelige berýge múmkindik beretin qýattylyǵy 300 MVt jáne qýaty 600 MVt/saǵ energıa saqtaýdyń eń zamanaýı júıeleriniń birin engizýdi kózdeıdi.
Jobany konsorsıým júzege asyrýda: aksıalardyń 40%-y BAÁ-niń Masdar jáne W Solar kompanıasyna, 18%-y "Samruk-Energo Qazaq Green Power" kompanıasyna, 2%-y Qazaqstannyń ınvestısıalyq damý qorynyń enshisinde.
Kelisim iri jobalar oryndaýy tıis sharttardy anyqtaıdy, atap aıtqanda:
- qýattylyǵy – 1 GVt;
- kómirqyshqyl gazynyń (SO₂) shyǵaryndylarynyń jyl saıynǵy tómendeýi;
- jańartylatyn energıa kózderinen elektr energıasyn óndirý;
- jobalardy eldiń Biryńǵaı elektr energetıkalyq júıesine ıntegrasıalaýdyń turaqtylyǵy men senimdiligi;
- eldiń energetıkalyq qaýipsizdigin qamtamasyz etý jáne t.b.
Kelisimde qazaqstandyq tarap ınvestorǵa zańnama men elektr jelileri erejelerindegi ózgeristerdi qosa alǵanda, kez kelgen ósken shyǵyndar úshin, sondaı-aq básekeles jobalardy salý jáne jer teliminiń qunyn ósirý kezinde ótemaqy tóleýge mindetti ekendigi qarastyrylǵan.
Sonymen qatar, Qazaqstan tarapynan elektr energıasyn óndirý úshin paıdalanylatyn jel aǵynyna áser etýi múmkin jaqyn jerde qandaı da bir jobalardy nemese qurylystardy salýǵa ruqsat berý talap etilmeıdi.
