Qazaqstanda medısınalyq uıymdar Mindetti áleýmettik medısınalyq saqtandyrý (MÁMS) júıesindegi qarajattyń qaıda jumsalǵanyn resmı túrde jarıalap otyrýǵa mindetteledi. Bul túzetý Májilistiń 21 mamyrdaǵy jalpy otyrysynda MÁMS júıesin jetildirýge baǵyttalǵan zań jobasyn ekinshi oqylymda maquldaý kezinde engizildi.
Qujat «Qazaqstan Respýblıkasynyń keıbir zańnamalyq aktilerine mindetti áleýmettik medısınalyq saqtandyrý máseleleri boıynsha ózgerister men tolyqtyrýlar engizý týraly» dep atalady.
Zań jobasynda jarnalardy turaqty tólegen azamattar jarna tóleýdi toqtatqannan keıin de alty aıǵa deıin medısınalyq kómek alýǵa quqyly degen norma qarastyrylǵan.
Sondaı-aq, MÁMS qorymen jáne densaýlyq saqtaý uıymdarynyń qarjylyq qyzmetin ashyq etý maqsatynda qarajattyń jumsalýy týraly aqparat resmı saıttarda jarıalanyp otyrady. Sonymen birge, sharttyq mindettemelerdi oryndamaǵan medısına uıymdarynan qarajatty qaıtarý tártibi de engizildi.
