Saryaǵash aýdany, Qaplanbek aýylyndaǵy №7 Tóle bı atyndaǵy mekteptiń 11-synyp oqýshysy Aqjúnis Atahan álemniń 36 bedeldi ýnıversıtetinen shaqyrtý aldy. Halyqaralyq qatynastar mamandyǵyn tańdaǵan talapty túlek AQSH, Kanada, BAÁ, Túrkıa jáne Malaızıa elderiniń ýnıversıtetterinen tolyq grant ıelengen.
16 jastaǵy Aqjúnis AQSH-tyń 17, BAÁ-niń 5, Túrkıanyń 6, Malaızıanyń 5 oqý ornynan grant jeńip, Kanada ýnıversıtetiniń prezıdenttik stıpendıasyna ıe boldy. UBT-da 111 bal jınaǵan úzdik oqýshy – aýyl mektebinen sheteldik oqý oryndaryna jol tartqan alǵashqy túlek.
Aqjúnis álemdik bilimmen qarýlanyp, eline qyzmet etýdi maqsat etedi.
