Tarazdyq  24 jastaǵy Dıana Aımahan — ómirge kelgen sátinen bastap kúrespen kún keship kele jatqan qaısar qyz. Balalyq shaǵy qatarlastary sekildi qýanysh pen erkelikte emes, aýrýhana tóseginde, aq halattylardyń úmiti men kúmáni arasynda ótti. Búginde ol Qytaı Halyq Respýblıkasyndaǵy álem moıyndaǵan dáriger, medısına ǵylymdarynyń doktory Jasarat Jálelulynyń kómegimen qaıta júrý úshin kúresip júr.

Dıananyń anasy Nargıza Amantaıqyzynyń aıtýynsha, bul týa bitken dert emes, bul taǵdyr taýqymeti bir sáttik qatelikten bastalǵan.

> "Men túńgi ýaqytta bosanýǵa keldim. Tolǵaǵym bastalǵanda qasymda bilikti dáriger emes, tájirıbeden ótip júrgen 20 jasar qyz ǵana boldy. Qyzym aıaqpen kelip turǵan, sol kezde urshyǵy shyǵyp, jambasy qısaıyp ketti. Bul bir sáttiń qateligi edi, biraq onyń saldary – ómirlik synaqqa aınaldy…"

Sondaı-aq anasynyń aıtýynsha, Dıana táı-táı basqanda-aq ózgesheligi kózge uryp turǵan eken.
- Bir aıaǵy alǵa tartyp, ekinshisi keri ketip, júrisi qısalań edi. Balalar ony túsinbedi. "Aqsaq qyz" dep mazaqtady, - deıdi anasy.
Dıana men anasy elimizdiń túrli emhanalaryn sharlap, em izdep kelgen. Biri "aıaǵyn kesemiz" , biri "úmit joq" dep shyǵaryp salypty. Qyzdyń úmiti sónip, ómirden bas tartqysy kelgen kezderi de bolypty. Biraq ana mahabbaty – úmittiń tiri oshaǵy edi.

Sol úmit olardy Qytaıdaǵy áıgili dáriger Jasarat Jálelulyna jetelep apardy. Profesordyń zamanaýı  emdeý ádisimen súıekter túzele bastaǵan kórinedi. Búginde Dıananyń ómirge degen qulshynysy qaıta oıanǵan-dy.

"Qyzym óz aıaǵymen tik turyp, shaýyp júrse eken", – deıdi Nargıza ana janaryndaǵy jasyn jasyryp.

Dıanaǵa alda kúrdeli ota jasalmaq.
Qazir otbasyǵa qarjylaı qoldaý qajet. Dıananyń maqsaty da, armany da – óz aıaǵymen nyq basyp, erkin júrý. Osy bir armannyń oryndalýyna árbir jannyń úlesi qajet.

Qoldaý bildiremin degen jandar úshin Dınananyń anasy Nargıza Amantaıqyzynyń Kaspi Gold nómiri

8 775 871 0297