Májilis depýtaty Ermurat Bápı qoǵam belsendisi Marǵulan Boranbaıdyń túrmeden bosatylǵanyn habarlady. Belsendi tórt jyldyq jaza merzimin tolyq ótep, bostandyqqa shyqqan.

«El táýelsizdigi men qazaq ultynyń namysyn qorǵaǵany úshin túrmege qamalǵan Marǵulan aǵasyna qonaqqa keldi. Kolonıaǵa baryp, "bostandyqqa shyǵýǵa kómekteseıik" degenimizde, ol: "Keshirim suraıtyn eshteńe istemedim, merzimin tolyq óteımin", — dep jaýap berdi», — dedi depýtat.

Bápıdiń aıtýynsha, Boranbaı shovınısik kózqaras bildirgenderge qarsy shyqqany úshin qýǵyndalǵan.

«Bireý "Qazaqtyń naǵyz patrıoty kim?" dep surasa, oılanbaı Marǵulan Boranbaıdy kórsetińizder. Ókinbeısizder», — dedi májilismen.

Eske salaıyq, 2022 jyly Marǵulan Boranbaı men Danat Namazbaev «arazdyq qozdyrý» jáne «bılikti basyp alýǵa úndeý» baptary boıynsha kináli dep tanylyp, bes jylǵa bas bostandyǵynan aıyrylǵan. Olar reseılik saıasatkerlerdiń Qazaqstanǵa baǵyttalǵan agressıvti málimdemelerine ashyq qarsy shyqqan jáne Reseımen yqpaldastyqty tereńdetýge qarsy kózqarastarymen tanylǵan.