Qazaqstanda 1 shildeden bastap az qamtylǵan otbasylarǵa arnaýly áleýmettik kómek kórsetý úshin qajetti qujattar tizimin qysqartady. Bul týraly Eńbek jáne halyqty áleýmettik qorǵaý mınıstri Berdibek Saparbaev málimdedi dep habarlaıdy Qamshy.kz aqparat agenttigi Tengrinews.kz saıtynyń deregine súıenip. 

2019 jyldyń 1 shildesine deıin qajetti qujattar paketi segiz pýnktten turady: otbasynyń árbir múshesiniń jeke kýáligi, jeke qosalqy sharýashylyq týraly málimetteri, banktik shot nómiri, balalardyń týý (qaıtys bolý) týraly kýáligi, neke qıýdy (buzýdy) tirkeý týraly kýálik, jumys izdeýshi tulǵa retinde tirkeý alynǵany týraly ótinish, eńbek qyzmetin rastaıtyn qujat (bar bolsa), bilimi, biligi, arnaıy bilimi nemese kásiptik daıarlyǵy týraly qujaty (bar bolsa).

Mınıstrlik talap etiletin qujattar tizbesin qysqartady. 2019 jyldyń 1 shildesinen keıin otbasy úshin qujattar paketi bir qujattan turady - jeke kýálik.

Berdibek Saparbaevtyń aıtýynsha, qajetti qujattar jınaýmen jergilikti atqarýshy organdar aınalysady. Keıin olar málimetterdi bazaǵa engizetin bolady.

Eske salaıyq, Prezıdent Nursultan Nazarbaev kópbalaly analarǵa kómek kórsetýdi kúsheıtýdi tapsyrǵan edi. "Úkimetke az qamtamasyz etilgen otbasylardy, ásirese kópbalaly otbasylardy qamtýdy keńeıtý úshin ataýly kómek kórsetý krıterıılerin eń tómengi kúnkóris deńgeıiniń 70 paıyzǵa deıin (14 849 teńgeden 20 789 teńgege deıin) arttyrýdy tapsyramyn", - degen bolatyn Memleket basshysy.

Az qamtylǵan kópbalaly otbasylarǵa 20 789 teńgeden berý - 2019 jyldyń 1 shildesinen bastalady.

Sonymen qatar, úkimetke kóp balaly otbasylardan shyqqan az qamtylǵan otbasylar úshin 40 myńnan asa jalǵa beriletin páter salý tapsyryldy. Sondaı-aq, Qazaqstanda "Turǵyn úı qurylys jınaq banki" júıesiniń 2-3 paıyzymen turǵyn úı qaryz berý júıesi qurylady.

Usynǵan: Nazerke Labıhan