Jasy júzden assa da shı toqyp, qurt jaıady. Adaldyq pen eńbekti tý etken besqaraǵaılyq Qaınıkesh ájeniń ǵıbratty ǵumyry kimge de bolsa úlgi-ónege. 11 qursaq kótergen ardaqty ana ótken ǵasyrdaǵy qazan tóńkerisi, ashtyq jáne soǵys jyldary, saıası qýǵyn-súrgin sıaqty tarıhı oqıǵalarǵa kýá bolǵan, - dep habarlaıdy Qamshy.kz aqparat agenttigi "Habar 24" arnasyna silteme jasap.
105-ke qadam basqan Qaınıkesh ájeniń qulaǵy jaqsy estıdi, kózáınek kımeıdi eken. Jastaıynan eńbekke aralasqan ol otbasynda meıirimdi ana, sharýashylyqta eńbekqor bola bildi.
"Jumysymyzdy jasadym, jumystan qalǵan joqpyn eshýaqytta. Jaıaý par túıeni jegip eki aıaq arbaǵa jumysshylarǵa tamaq ta tasydym. Osy qyzymnyń qolyndamyn, álpeshtep otyr bylaı. Uly bar jalǵyz, bar tilegim sol, sol úılenip, sonyń kishkentaıyn kórsem deımin. Naýryz merekeleriń qaıyrly bolsyn! Alla Taǵala qaıyrly ǵyp, qýanyshpen, oıyn kúlkimen ótkizińder Naýryzdy! Men sekildi balaly-shaǵaly bolyńdar!", - deıdi 104 jastaǵy ájeı Qaınıkesh Musabaeva.
Ǵasyr kýásiniń ózi kóp jasaýdyń kilti eńbek pen adaldyq, adamdarǵa jaqsylyq oılaý dep uǵyndyrsa, kórshisi ári 20 jas kishi bolsa da qurbysyndaı oınap, kúletin Baqyt apaı basqa da qupıalar baryn aıtty.
"Ertis jaǵasynda bolyp, jegeniniń bári balyq. Balyq jegen kisi kóp jasaıdy, qymyz ishken kisi kóp jasaıdy, men ózim sony bilemin. Bul kisi áli dári iship kórgen joq. Jastar bala ákelýge qorǵanady qazir, sonda da bizden densaýlyqtary tómen. Al myna aýyldyń ertedegi apalary kóp bala kótergenderiniń bári 90-ǵa, 95-ke kelip qaıtys bolyp jatyr. 100-den asqan kisi ana jerden shı ákelgen qansha eńbek, sypyrtqy ákelý degen. Sypyrtqydan qalǵaly osy bir jyl boldy ǵoı deımin. - Bıyl jazda baraıyq sypyrtqyǵa? "Baraıyq, jip alyp arqalap ákelemiz". - Uıalmaı el kórsin, jastar, ıá? "Eshkimge renjimedim, adamdarǵa tek jaqsylyq tiledim. Barynsha keshirimdi bolyńdar, aǵaıynnyń arasynda bereke-birlikti saqtańdar" deıdi keıýana", - deıdi Qaınıkesh ájeıdiń kórshisi Baqyt Isataeva.
"Ǵasyr jasaǵan Qaınıkesh áje qartaıdym dep úıde qarap otyrǵan joq. Arasynda aýlaǵa shyǵyp, sharýashylyqqa kómektesip turady. Al onyń eńbek joly búginde aýyl turǵyndaryna ǵana emes, búkil aýdan halqyna ónege deıdi jerlesteri. Búginde Besqaraǵaı aýdanynda 90-nan asqan 100-den astam qarıa bar eken. Onyń úsheýi ǵasyr kýási. Olardyń bári bizdiń asyl qazynamyz, baǵa jetpes baılyǵymyz dep esepteıdi jas urpaq", - deıdi jýrnalıs.
Usynǵan: Nazerke Labıhan
