DAZN strımıng júıesi Twitter jelisindegi resmı paraqshasynda Gennadıı Golovkınmen kelisimshartqa otyrǵanyn jarıalady. "Kelisim ótti! GGG jekpe-jekterin DAZN júıesinen kórińizder", - delingen 8 naýryzda keshkisin jarıalanǵan habarlamada, dep jazady Qamshy.kz aqparat agenttigi Tengrinews.kz saıtynyń deregine súıenip.
Qazaqstandyq boksshy úshin kúreste olar Showtime arnasyndaǵy Premier Boxing Champions (PBC) jobasyn jáne FOX-ta translásıalarmen basyp ozdy. Taǵy bir úmitker ESPN boldy, biraq arna qańtar aıynda jarystan shyqty, dep habarlaıdy Vesti.kz sport portaly.
The Ring jýrnaly orta salmaqta chempıon bolǵan qazaqstandyq boksshy men DAZN arasyndaǵy kelisimsharttyń mán-jaıyn jarıalady. Jýrnalıs Maık Koppındjerdiń málimetinshe, negizinde kelisimshartqa 7 naýryzda qol qoıylǵan eken. Bul týraly resmı túrde 12 naýryzda, Los-Andjelestegi baspasóz konferensıasynda aıtylady.
Jańa júıede Golovkın birinshi kezdesýin maýsymda ótkizedi. Úshjyldyq kelisim barysynda, ol jylyna eki kezdesýden ótkizip otyrady. Derekkóz málimetinshe, GGG ár jekpe-jegi úshin segiz tańbaly sandy alady eken.
Sonymen qatar, Golovkın DAZN jahandyq elshisi atandy. Bul tizimde meksıkalyq Saýl "Kanelo" Alvares" jáne fýtbol juldyzdary Krıshtıaný Ronaldý men Neımarda bar.
DAZN-men kelisimshart Golovkındi úshinshi jekpe-jek ótkizýge alyp kele jatyr jáne onyń GGG Promotions kompanıasy 2020 jáne 2021 jyldary tórt boks keshterin ótkizýge kepildik beredi.
Golovkınmen kelissózderdi birneshe aı boıy DAZN atqarýshy dırektory Djon Skıpper men ulybrıtanıalyq promoýter Eddı Hırn júrgizdi. Olar Los-Andjeleste birneshe kezdesýler ótkizdi, bul boksshy turatyn Santa-Monıkaǵa jaqyn.
Eske salaıyq, Gennadıı Golovkın HBO bokstan ketkennen keıin teleseriktessiz qaldy. Osy arnada qazaqstandyq boksshy 2012 jyldan bastap óner kórsetti.
Usynǵan: Nazerke Labıhan
