Indýstrıa jáne ınfraqurylymdyq damý mınıstrliginiń jospary boıynsha, 2019 jyly ákimdikter "Nurly jerdiń" 3 355 páterin "7-20-25" baǵdarlamasy boıynsha satý úshin bóledi , - dep habarlaıdy Qamshy.kz aqparat agenttigi kaz.tengrinews.kz saıtyna silteme jasap.

Mınıstrliktiń málimetinshe, "7-20-25" baǵdarlamasy úshin qoljetimdi páterlerdiń eń kóp sany Shymkentte (1282 páter), Aqtóbede (605 páter) jáne Soltústik Qazaqstan oblysynda (411 páter) beriledi.

Eske salaıyq, osyǵan deıin"Nurly jer" baǵdarlamasy boıynsha turǵyn úıler ákimdikterde kezekte turǵandar men "Turǵyn úı qurylysy jınaq bankiniń" salymshylary arasynda bólingen edi. Alaıda turǵyn úılerdi ótkizý qaǵıdalaryna ózgerister engizýge baılanysty jyl basynan "Nurly jer" baǵdarlamasy boıynsha beriletin turǵyn úıge "7-20-25" baǵdarlamasyna qatysýshylar da qol jetkizetin boldy. Eger naryqta turǵyn úıdi satyp alý kezinde "7-20-25" baǵdarlamasyna qatysýshylar páterdi qurylys kompanıalarynyń satý bólimderi arqyly tańdasa, memlekettik turǵyn úıdi alý jaǵdaıynda páterlerdiń bolýyn jáne sıpattamalaryn jergilikti ákimdikterden naqtylaý qajet.