Reseıdiń tergeý komıteti Máskeýdegi páterlerdiń birinen tabylǵan maýglı qyzdyń vıdeosyn jarıalady, dep jazady Qamshy.kz aqparat agenttigi Rıa novostı saıtyna silteme jasap.

Vıdeoda qyz turyp jatqan páterdiń ishi qoqysqa toly ekendigi kórineoi, sondaı-aq jıhazdardyń bári synyp qalǵan. Balkonnyń esigi qoqystyń saldarynan ashylmaı qalǵan, al úıdiń terezeleri uzaq ýaqyt boıy jýylmaǵany kórinip tur.

Birneshe kún buryn jergilikti BAQ-ta kórshilerdiń shaǵymynan keıin tergeýshiler páterdi tekserýge kelgendigi aıtylǵan bolatyn. Kórshiler kúndelikti estiletinbalanyń aıqaıy men jylaǵan daýysyna shaǵymdanǵan. Páterden tabylǵan qyzdy quqyq qorǵaý organdarynyń ókilderi aýrýhanaǵa jetkizdi.

Tergeýshilerdiń málimetinshe, páterdegi qyz anoreksıaǵa shaldyqqan. Sondaı-aq, qyzdyń aqyl -oıy damymaı qalǵan, jergilikti BAQ ony «maýglı» dep atap ketti.

Qoqysqa toly páterden tabylǵan qyzdyń anasy qolǵa tústi, qazir ony tergeýge alýda. Anasynyń ústinen «Adam óltirmek boldy» degen aıyppen qylmystyq is qozǵaldy.

Usynǵan: Nazerke Labıhan