Oralda 2 apta buryn joǵalyp ketken 16 jastaǵy jasóspirim tabyldy dep jazady Qamshy.kz aqparat agenttigi. Polısıa qyzmetkerleri jasóspirimdi 8-naýryzda dostarynyń úıinen tapqan. 

"8-naýryzda saǵat 18:00-ge taman ulymdy polısıa qyzmetkerleri tapty. Ulym din aman. Ol Zachagandaǵy dostarynyń úıinde bolypty. Múmkin ol ózin eresek retinde sezingen shyǵar, bizge eskertpegen. Bizdiń aramyzda urys-keris bolmady. Ne sebepti úıden ketip qalǵanyn suraǵan edim, úndemedi. Bul jaǵdaı taǵy da qaıtalanbas úshin men balamdy psıhologqa aparamyn. İzdestirý jumystaryna atsalysqan adamdarǵa jáne polısıa qyzmetkerlerine alǵys aıtamyn", - deıdi 16 jastaǵy jasóspirimniń anasy. 

Eske sala keteıik, 24 aqpan kúni Mıhaıl Marchenko úıinen shyǵyp, qaıta oralmaǵan. Jasóspirimniń anasy ulynyń joǵalǵanyn áleýmettik jelige jazyp, quqyq qorǵaý organdaryna habarlaǵan.  

Usynǵan: Ásel Bolatqyzy