Pavlodar qalasynda qytaı tilin úıretetin lıngvısıkalyq balabaqsha ashylady. Jańa ǵımarat burynǵy "Stıks" mektebiniń ornynda bolady dep habarlaıdy Qamshy.kz aqparat agenttigi caravan.kz saıtyna silteme jasap.

Qalanyń Bilim bóliminiń bastyǵy Amangeldi Imanberlınovtyń aıtýynsha, eki qabatty ǵımaratty jalǵa berý týraly tender  26 aqpanda ótkizilgen. Ony JSHS «Zaman Aláns» utyp alǵan.

Jańa ǵımarattyń ashylýyna ınvestor 337 mln teńge bólýge daıyn. Balabaqsha 2-den 5 jasqa deıingi shamamen 230 bala qabyldaıdy dep josparlap otyr. Sonymen qatar, mektepke deıingi mekemede káris, qazaq, aǵylshyn tilderin de oqytady. 

Ol jerde mýzyka, balet pen akterlik sheberlik úıirmeleri de bolady jáne balalarǵa dombyra, qobyz úıretedi. Bul Pavlodar oblysyndaǵy eń alǵashqy zamanaýı balabaqsha bolady dep josparlap otyr.  

Atalmysh mekemede balalardy keshki saǵat 20-00-ge deıin qaldyrýǵa bolady. Ata-anasynyń qalaýymen, balabaqsha tipti demalys kúnderi de balalardy qarap, oqytady. 

 Usynǵan: Maqpal Sembaı