Qazirgi tańda durys tamaqtanýǵa qatysty túrli keńester aıtylyp ta, jazylyp ta júr. Biraq Qazaqstan halqynyń barlyǵy birdeı durys tamaqtanýdyń erejelerin ustanyp júr dep aıta almaımyz. Qytaıdaǵy ýnıversıtetterdiń birinde muǵalim bolǵan Ádilbaı Mátqasymulynyń da durys tamaqtanýǵa qatysty birneshe jyl zertteý júrgizgen. Ol jaqynda "Qýat 7" atty ónimin halyqqa usyndy. Ádilbaı Matqasymulynyń aıtýynsha, bul ónimniń densalyqqa paıdasy zor ári artyq salmaqtan arylýǵa kómektesedi. Osyǵan qatysty Qamshy.kz aqparat agenttigi Ádilbaı Metqasymulymen áńgimelesti.
Durys tamaqtanýdy qalaı kúndelikti ádetke aınaldyra alamyz?
Durys tamaqtaný adamnyń densaýlyǵy úshin paıdasy zor ekeni belgili. Kez kelgen taǵamnyń densaýlyqqa zıandysy men paıdalysy bolady. Tipti paıdaly taǵamnyń ózindik shekteýleri bar. Qansha jerden paıdaly bolsa da shekten tys iship-jep qoısa aǵzaǵa keri áserin tıgizedi. Sol sebepti durys tamaqtanǵysy keletin adam osy jaıttardy da eskergen jón.
Kúndelikti biz tutynyp júrgen aǵzaǵa zıandy taǵamdardan neni ataı alasyz?
Qazaq degen sháıdi kóp ishetin halyq dep jatamyz ǵoı. Sol sháı aǵzaǵa óte zıandylardyń qatarynda jatady. Bizdiń eldegi sháıdiń kópshiligi eksporttan keletini belgili. Óndiretin elderdiń qatarynda Qytaı men Úndi elderi bar. Mysaly Qytaı eli ózi sháı óndirse de ózderi bul sháıdi tutynbaıdy. Ne sebepti? Sebebi olar biledi munyń aǵzaǵa keri áser etip, zıanyn tıgizetin. Sonymen qatar qazirgi jastar kóptep tutynyp júrgen tátti sýsyndardyń da aǵzaǵa zıany kóp ekenin kópshilik biledi. Biraq bul sýsyndardan bas tarta almaıdy.
Sizdi Qýat atty taǵamdy shyǵaryp jatyr dep estidik. Bul taǵamdy shyǵarýdaǵy maqsatyńyz qandaı?
Negizgi maqsatym adamdardyń densaýlyǵyna paıdaly taǵamdardyń sanyn kóbeıtý. Bul taǵamdy shyǵarý úshin kóp ýaqyt jumsaldy. Jaqyn arada halyqqa jol tartpaq.
Bul taǵamnyń ereksheligi nede? Neden jasalǵan?
Bul 7 túrli paıdaly taǵam túrinen jasalady. Men jańa paıdaly tamaqtyń ózi shekten tys qoldanylsa aǵzaǵa zıan bolýy múmkin dedim ǵoı. Al "Qýat 7" degen taǵamda barlyǵy óz mólsherimen jasalǵan. Árbir ónimniń mólsheri eseptelingen. Muny qoldaný arqyly adamdar óz aǵzasyna kerekti azyqty ǵana beredi.
Sizdiń bul ónimińizdi tutynǵandar bar ma? Olar qandaı pikirde?
Iá alǵashynda men óz otbasym úshin jasap júrdim. Keıin tanystarym men týystarym qyzyǵýshylyq tanytty. Olardyń barlyǵy jaqsy pikirde dep tolyqtaı senimmen aıta alamyn. Bul taǵam arqyly belgili bir aýrýdan jazylǵandar da, salmaq tastaǵandar da boldy. Osy taǵamdy 1 aı boıy únemi ishken bir tanysym birneshe keli salmaq tastady.
Áńgimelesken: Ásel Bolatqyzy
