Kópbalaly analarmen kezdesken elorda ákimi Baqyt Sultanov áleýmettik qoldaý sharalary týraly aıtyp berdi, dep habarlaıdy Qamshy.kz aqparat agenttigi Nur-Sultan ákimdiginiń resmı saıtynyń deregin negizge alyp.
Ákimniń aıtýynsha, búgingi tańda úı kezeginde kópbalaly otbasylar, az qamtylǵan azamattar, múgedektigi bar jandar sıaqty halyqtyń áleýmettik jaǵynan osal toby qataryndaǵy 20 myń adam tur.
"Ótken jyly búdjetten bólingen qarajatqa saı kezekte turǵandarǵa 188 páter bólindi. Bıyl qosymsha bólingen qarajat esebinen jyldyń sońyna deıin 1800 - 1900 páter bólinedi dep josparlanyp otyr. Endi kezek jyldam jyljıtyn bolady", – dedi Baqyt Sultanov.
Sonymen qatar, elordada kópbalaly otbasylardy áleýmettik qorǵaýǵa baǵyttalǵan birqatar is-shara qolǵa alynǵan. Máselen, múmkindigi shekteýli balalarǵa, 18 jastan asqan bala kezinen múgedektigi bar jandarǵa jáne olardyń qamqorshylaryna qoǵamdyq kólikte tegin júrý múmkindigi beriledi. Al kópbalaly otbasylardyń 1-11 synypta oqıtyn balalary jańa oqý jylynan bastap tegin ystyq tamaqpen qamtamasyz etilmek.
"Nur-Sultan – mundaı kómek kórsetetin jalǵyz qala. Biz 1-4 synyp aralyǵynda oqıtyn barlyq balalardy ystyq tamaqpen qamtamasyz etemiz. Endi mundaı kómek kópbalaly otbasylardyń mektepte oqıtyn barlyq balalaryna beriledi", – dep túsindirdi B. Sultanov.
Usynǵan: Ásel Bolatqyzy
