Reseıdiń "Rossıa 1" telearnasyndaǵy "60 mınýt" baǵdarlamasy tikeleı efırde ýkraınalyq jýrnalıs Dmıtrıı Gordonmen baılanysqa shyqty dep habarlaıdy Qamshy.kz aqparat agenttigi.
Bes mınýtqa jeter-jetpes ýaqytqa sozylǵan tikeleı eksklúzıvti suhbat barysynda Vladımır Zelenskııdiń saılaýdaǵy jeńisi týraly, Porshenkonyń pozısıasy jaıly áńgimeler qozǵaldy.
Zelenskııdi de, Poroshenkony da qoldamaıtynyn aıtqan Gordon saılaýdyń ádil ótkenin moıyndaýǵa tıistimiz degen emeýrin tanytty.
Kishigirim suhbat sońynda reseılik arna jýrnalıseri Dmıtrıı Gordon tarapyna:
- Qysqasy, "Máskeý-Kıev, Kıev-Máskeý" tikeleı áýe reısteri jaqyn kúnderi qaıta jalǵasýy múmkin be? – degen suraq qoıdy.
Bul suraqqa ýkraınalyq jýrnalıs barlyq sheshimderdiń bastaýy Kreml tarapynan bolatynyn, Qyrym men Donbassty qaıtarsa, áýe reısterin ornatýǵa Ýkraına bıligi qarsy bola qoımas degen oıyn aıtty.
Olga Skabeeva Gordonnyń jaýabyna myrs etip kúlgen kúıi:
- Qyrymdy bermeımiz. Bul – sońǵy sheshim. Aıta baryńyz! Bermeımiz! – dep óktemdik tanytty.
Sondaı-aq, Olga Skabeeva sóz sońynda álgi áýe qatynastary Ýkraına bıligi Qyrymdy Reseı jeri dep moıyndasa ǵana oryndalatynyn aıtty.
Usynǵan: Ádilet Mádenıet
