Latvıanyń Konstıtýsıalyq soty orys mektepterindegi sabaqtardy latysh tilinde ótkizý boıynsha qoıylǵan talapty qanaǵattandyrdy.

"Sot sheshimi sońǵy sheshim bolyp sanalady. Qabyldanǵan qaýly onyń jarıalanǵan kúninen bastap kúshine enedi", - dep jarıalady sot qazysy.

Bilim jáne ǵylym mınıstrligine atalmysh máselege qatysty usynysty «Kelisim» («Soglasıe») parlamenttik fraksıasynyń depýtattary jasaǵan. Til máselesi boıynsha usynysty talqylaý úshin alǵashqy otyrys aqpan aıynyń sońynda bolǵan edi.

Latvıadaǵy halyq talabynyń negizgi ýáji – orys tili qoldanys aıasy keń ana tilderiniń damýyna kedergi keltiredi degen ýaıym.

Al orys tildi halyqtyń daý týdyrý sebebi – balalarynyń óz tilinde bilim alýyn talap etedi. Olar sottan zańdy qaıta qaraýdy suraýda.

Bilim berý isindegi birtildilikti tolyqqandy engizý ústimizdegi jyldan bastalyp, 2021 jyldyń 1-qyrkúıeginde aıaqtalýy tıis.

Latvıada 2 mıllıonǵa jýyq adam ómir súredi. Olardyń 40 paıyzy – orys tildiler. Respýblıkadaǵy memlekettik mártebesi bar til – latysh tili. Orys tili ártúrli ulttardyń ortaq qarym-qatynas tili bolyp sanalady.

Usynǵan: Ádilet Mádenıet