Alla Pýgacheva "Golos detı" baǵdarlamasyndaǵy fınalısterge erekshe qurmet kórsetip, óziniń atyndaǵy altyn juldyzdy tapsyrdy dep jazady Qamshy.kz aqparat agenttigi kp.ru saıtynyń deregin negizge alyp. 

Alla Pýgacheva Erjan Maksımniń ónerine tánti bolyp, oǵan habarlama arqyly qoldaý bildirgen. Keıin fınalda Alsýdyń qyzy jeńiske jetkenin estigen Alla Pýgacheva talantty ánshilerdiń kóńilin aýlap, qýantpaq bolǵan. Ánshi 4 fınalısti óziniń mereıtoıyn jasaǵan qymbat meıramhanaǵa shaqyrǵan. Sondaı-aq olarǵa "Alla Pýgachevanyń atyndaǵy altyn juldyzdy" tabystapty. Bul nagradany estrada ańyzy 2005 jyly jas talanttardy qoldaý maqsatynda qurǵan bolatyn. Sonymen qatar balalar dıplomdar men aqshalaı júlde, Lobodanyń júldesin aldy. 

Eske sala ketsek, reseılik "Golos detı" baǵdarlamasynyń fınaly qyzý talqyǵa túsip, kórermender ádil ótpegenin aıtyp shý shyǵardy. Atalmysh saıysta Alsý atty tanymal ánshiniń qyzy Mıkella Abramova jeńiske jetken bolatyn. 

Aýdarǵan: Ásel Bolatqyzy