Oǵan Shyǵys Qazaqstan oblysynyń ákimi Danıal Ahmetov qatysty.
– Qurmetti ustazdar, ata-analar jáne oqýshylar! Barshańyzdy 1 qyrkúıek – Bilim kúnimen, jańa oqý jylynyń bastalýymen quttyqtaımyn. Sapaly bilim qarqyndy damýdyń, órkenıettiń basty sharty. Sol sebepti el Prezıdenti men Úkimettiń júktegen mindetterin júzege asyryp, oblysta bilim júıesi men sapasyna erekshe kóńil bólinedi. Óskemen qalasyndaǵy bilim beretin 50 mektepte 38 myń oqýshy jańa oqý jylyn bastap otyr. 4600 bala eń alǵash mektep tabaldyryǵyn attap, 1-synypqa keldi. Bul mektep jahandaný dáýirinde jańa tehnologıanyń damýyna saı, zamanaýı erekshe bilim ordasy bolady. Búgingi kún – jańa oqý jylyna, jańa jetistikter men tabystarǵa bastaý beretin kún. Merekelerińiz qutty bolsyn, – dedi Danıal Ahmetov.
Óskemendegi bul bilim ordasynda oqýshylardyń sapaly bilim men sanaly tárbıe alýyna barlyq jaǵdaı jasalǵan. Munda jabdyqtalǵan jańa oqý kabınetteri, ınjenerlik-tehnıkalyq baǵyttaǵy túrli úıirmeler men seksıalar jumys isteıtin bolady. Sondaı-aq mektepte 100-den astam bilikti muǵalim sabaq beredi. Jańa bilim ordasynda 150 oqýshy 1-synypqa qabyldandy.
– Qurmetti shákirtter, sabaqtaryńdy jaqsy oqyp, bilimderińdi tereńdetińder, ata-analaryńnyń maqtanyshy bolyńdar! Jańa bilim oshaǵynyń ujymyna jumystaryna tabys pen sáttilik tileımin. Bilim berý men jas urpaq tárbıesine basa kóńil bólinetindikten, sizderge júkteler mindettiń salmaǵy da basym, – dedi Danıal Ahmetov.
Budan soń aımaq basshysy "Nur Orda" mektep-lıseıine baryp, muǵalimder men oqýshylardy jańa oqý jylynyń bastalýymen quttyqtap qaıtty.
Pikir qaldyrý