Qazaqstan munaıynyń 120 jyldyq mereıtoıy qarsańynda ashylyp otyrǵan eskertkish Atyraý munaı jáne gaz ýnıversıtetiniń aýlasynda ornalasqan. Sharaǵa arnaıy qatysqan Atyraý oblysy ákiminiń orynbasary Aıbek Qrambaev búgingi aıtýly merekemen quttyqtap, sóz sóıledi.

– Biz qazaq munaı-gaz salasynyń negizin qalaýshy – Safı Ótebaevqa úlken qurmet kórsetý úshin jınalyp otyrmyz. S.Ótebaev munaı kenderin alǵashqy ashýshylarmen birlese otyryp, elimizdiń munaı-gaz kesheniniń negizin qalady. Munaı salasynda aıanbaı ter tókken aǵamyzdyń eńbegin esh ýaqytta umytylmaıdy, – dedi Aıbek Qrambaev.

Sharaǵa munaı salasynda eńbek etken ardagerler, ýnıversıtet profesorlary men ustazdar, Safı Ótebaetyń qyzy men balasy, sondaı-aq, stýdentter qatysty.

Aıta keteıik, bıyl aqpanda Atyraý munaı jáne gaz ýnıversıtetine maıtalman munaıshynyń esimi berilgen bolatyn.