Juldyz yqshamaýdanynan ashylǵan mekteptegi alǵashqy qońyraý saltanatyna Atyraý qalasynyń ákimi Álımuhammed Quttumuratuly arnaıy qatysyp, ustazdar men oqýshylardy merekemen quttyqtady.

– 1 qyrkúıek bilim men ǵylym salasynda eńbek etetin ustazdar jáne shákirtter úshin erekshe kún. 2019-2020 oqý jylynda qalamyzda jalpy bilim beretin 59 mektepte alǵashqy qońyraý soǵyldy. Barshalaryńyzdy aıtýly merekemen quttyqtaı otyryp, bıylǵy oqý jylynda sáttilik tileımin, – dedi qala basshysy.

Sonymen qatar, Juldyz-3 yqshamaýdanynan 600 oryndyq taǵy bir mekteptiń salynatyny belgili boldy.

– Jyl saıyn mektepke kelýshi oqýshylardyń sany artyp keledi. Osy baǵytta oblys boıynsha 11 mekteptiń qurylysy júrip jatyr. Onyń altaýy qalada. Oblystaǵy úshaýysymdyq máselesin sheshý maqsatynda mektep salý jumystary qarqyndy júrip jatyr, – deıdi oblystyq bilim basqarmasy basshysynyń mindetin atqarýshy Jansulý Tóremuratova.