OKQ-da ótken brıfıńte qala ákimi Baqytjan Saǵyntaev qala men árbir almatylyqtyń ál-aýqatyn arttyrý úshin myqty ekonomıkalyq bazanyń qurylýy týraly málimdedi.
Megapolısti damytýdyń strategıalyq josparyndaǵy basty baǵyttardyń biri – Almatydaǵy ekonomıkanyń qurylymdyq reformasy bolyp tabylady. Búginde qala ekonomıkasynyń 30%-ǵa jýyǵynda kóterme jáne bólshek saýda kósh bastap tur. Sodan keıin jyljymaıtyn múlik operasıalary shamamen 10% jáne qarjylyq operasıalar – 9%. Ónerkásip, qurylys, áleýmettik ekonomıka jáne jańa ındýstrıanyń úlesi shamaly.
«Mundaı jaǵdaıda qala tez damymaıdy. Bul qalanyń ekonomıkalyq júıesiniń álsiz tustary. Sondyqtan biz jańa tehnologıalyq býyn taýarlary men qyzmetteriniń paıdasyna qurylymdyq reformalarǵa baramyz», – dedi qala ákimi Baqytjan Saǵyntaev.
Aıtýynsha, basty tutas qurylymdyq manevr qala men árbir almatylyqtyń ál-aýqatyn arttyrý úshin berik ekonomıkalyq baza qurý bolyp tabylady.
Esterińizge sala keteıik, buǵan deıin Almatyda ótken AlmatyInvestment Forum-2019-da aldaǵy jyldary «Almaty-2050» strategıasyna sáıkes Almatyda ekonomıkanyń qandaı salalary qarqyndy damıtynyn atap ótken bolatyn. Birinshiden, megapolıstiń jahandyq iskerlik ortalyq, Jańa Jibek jolyndaǵy kólik-logıstıkalyq jáne týrısik aımaq retinde qalyptasýy maqsatynda óńirlik jáne halyqaralyq naryqtarda kórsetiletin qyzmetteri talap etiletin bilim men joǵary biliktilikti talap etetin salalar damıtyn bolady. Bul – qarjy jáne saqtandyrý, aqparattyq-kommýnıkasıalyq tehnologıalar, logıstıka jáne dıstrıbýsıa. Ekinshiden, Almaty qalasynyń qurylys kesheni – turǵyn úı jyljymaıtyn múlik, medısınalyq jáne bilim berý ınfraqurylymy, jol qurylysy men komýnaldyq sharýashylyq, demalys jáne oıyn-saýyq obektileri ınvestısıalar úshin tartymdy bolyp tabylady. Úshinshiden, Almatynyń ekonomıkalyq ósýiniń mańyzdy draıveri bolyp áleýmettik ekonomıka bolyp tabylady. Eń aldymen, áńgime bilim berý jáne densaýlyq saqtaý salalary týraly bolyp otyr.
Tórtinshiden, Almaty ekonomıkasynyń ósý draıveri retinde týrızm bolyp qala beredi.
Ótken jyly megapolıske mıllıonnan astam adam keldi. Týrısik sala oqıǵalyq, iskerlik, sporttyq, saýyqtyrý jáne mádenı – bilim berý týrızmin qosa alǵanda, týrızm ındýstrıasynyń qazirgi zamanǵy qaǵıdattary negizinde damıtyn bolady. Álemdik megapolısterdiń tájirıbesi týraǵyndardyń qaıda baratynyn, onda qandaı ınvestısıalar quıylatynyn kórsetti. 2050 jylǵa qaraı qalanyń JÓÓ-degi týrızm úlesi 6%-ǵa jetýi tıis.
Besinshiden, Almaty josparlaý men qurylys salýda, turǵyn úı men komýnaldyq qyzmetterdi qamtamasyz etýde, qaýipsizdik, kólik, bilim berý, halyqtyń densaýlyǵy salalarynda, qalany qalalyqtarmen birlesip basqarýda úzdik álemdik smart-tájirıbelerdi qoldanatyn «aqyldy qala» retinde damıtyn bolady. Qala ekonomıkasynyń jańa ındýstrıasyn sıfrlandyrýǵa eleýli úles jasalady; elektrondy komersıa men tólemder, blok, ınternet-zattar, úlken derekter jáne t. b. sıaqty perspektıvaly salalardy damytý úshin platformalar qurý.
Altynshydan, Almaty – búkil álemniń ınvestısıalary men talanttaryn ózine tartatyn «bilim ekonomıkasy» ınovasıalar men jańa ındýstrıalar ortalyǵy retinde damıtyn bolady.
Bizdiń qalamyzda áleýeti joǵary segiz negizgi kreatıvti ındýstrıa anyqtaldy.
