Almaty qalasynyń ákimi Baqytjan Saǵyntaev jýrnalıserdiń Qazaqstan prezıdenti Qasym-Jomart Toqaev qol qoıǵan "qyzmetkeri paramen ustalǵan basshyny jaýapqa tartý" týraly  zańyna qatysty  qoıǵan suraǵyna jaýap berdi. Saǵyntaevqa búgin, 29 qarashada Nur-Sultandaǵy Ortalyq komýnıkasıalar qyzmetinde ótip jatqan brıfıńte  jýrnalıser "eger qol astyńyzdaǵy qyzmetker paramen ustalǵan jaǵdaıda otstavkige ketesiz be?" degen saýal qoıǵan. 

Almaty ákimi jýrnalıserdiń bul suraǵyna "Qudaı saqtasyn, biraq qol astymdaǵy qyzmetkerler paramen ustalǵan jaǵdaıda zań boıynsha otstavkaǵa ketýge májbúrmin" dep jaýap berdi. Onyń aıtýynsha, otstavkany qabyldaý-qabyldamaý týraly sheshim prezıdenttiń enshisinde.

28 qarashada prezıdent Toqaev "qyzmetkeri paramen ustalǵan basshyny jaýapqa tartý" týraly zańǵa qol qoıdy. Jemqorlyqqa qarsy is-qımyl agenttigi Toqaev qol qoıǵan bul zań boıynsha "memlekettik qyzmetkerler: mınıstrler, olardyń orynbasarlary, Nur-Sultan, Almaty, Shymkent qalasy, aýdan ákimderi men olardyń orynbasarlary ózderine tikeleı baǵynatyn qyzmetkerleri paramen ustalsa, otstavkaǵa ketýge aryz jazýy tıis" dep málimdegen. Aqorda saıty zańnyń tolyq mátini jaqyn arada baspasóz betine jarıalanatynyn habarlaǵan.