Qazaqstannyń bas sanıtar dárigeri Erlan Qıasov shetelge demalýdy josparlaǵan qazaqstandyqtarǵa úndeý jasady.  

– Jaqyn arada COVID-19 boıynsha epıdemıologıalyq ahýaly asa qolaısyz elderge demalysty nemese ózge de saparlardy josparlaǵan barlyǵyńyzǵa málimdeme jasaǵym keledi. Men koronavırýs ınfeksıasy keń taraǵan Úndistan, Túrkıa, sondaı-aq Eýropanyń, Latyn Amerıkanyń, ońtústik-shyǵys Azıanyń keıbir elderine barýdan bas tartýdy suraımyn. Atalǵan elderde kún saıyn qaýipti indet juqtyrǵandar sany eselep artyp, antırekordtyq kórsetkish kún saıyn jańarýda, – dedi Qıasov.

Sondaı-aq ol koronavırýs ınfeksıasy jańa shtamdarynyń juǵý jyldamdyǵy óte joǵary jáne qoǵamǵa, jalpy densaýlyq saqtaý júıesine asa qaýip tóndiretinin atap ótti. 

– Sondyqtan demalysty keıinge qaldyrýǵa keńes beremin, óıtkeni bul sizdiń densaýlyǵyńyz ǵana emes, sizdiń jaqyndaryńyzdyń amandyǵy, ult densaýlyǵy ekenin umytpańyz, – dedi bas sanıtar dáriger.