Tótenshe jaǵdaı mınıstrligi Qazavıaqutqarý ushaǵy apatynan aman qalǵan eki adamnyń jaǵdaıy ortasha aýyr ekenin habarlady.
Mınıstrliktiń resmı ókili Rýslan Imanqulovtyń aıtýynsha, Qazavıaqutqarý ınjeneri S.Sheglov pen "QazTransOıl" AQ jelilik qubyrjolshysy S.Erǵalıev bas súıek-mı zaqymyn alyp, ekeýiniń de mıy shaıqalǵan. Naýqastardyń ómiri úshin Oraldaǵy kópsalaly neırohırýrgıa ortalyǵynyń mamandary kúresip jatyr. Olardyń jaǵdaıy ortasha aýyr ekeni habarlandy.
Keshe saǵat 15:38-de Oral qalasynan 54 shaqyrym jerdegi Báıterek aýdany Chapýrıno kentiniń ashyq aýmaǵynda "Atyraý-Oral-Atyraý" baǵyty boıynsha ushqan Tótenshe jaǵdaılar mınıstrligine qarasty Qazavıaqutqarý mekemesiniń tikushaǵy apattyq jaǵdaıda qonyp, saldarynan Qazavıaqutqarý qyzmetiniń tórt qyzmetkeri qaza taýyp, eki adam zardap shekken.
Qaza tapqandar arasynda áýe kemesiniń komandıri Dovletbaı Qanatov, ekinshi ushqysh Vladımır Afanasev, bort mehanıgi Sıazbek Andosov jáne ınjener Járdem Dosqalıev bar. Bortta 5 ekıpaj múshesi jáne "QazTransOıl" AQ-nyń 1 ókili bolǵan.
Pikir qaldyrý