"NeMolchı.kz" qorynyń jetekshisi Dına Tańsárige 6 qylmystyq is qozǵalǵan. Bul týraly Polisia.kz saıty habarlady. Oǵan kórineý jalǵan aqparat taratý, jeke ómirge qol suǵylmaýshylyqty buzý faktileri boıynsha aıyp taǵylyp, tergeý jumystary júrgizilip jatyr. 

– Sotqa deıingi tergeý barysynda Smaıylovanyń “NeMolchıKZ” qorynyń basshysy ekeni, sonymen qatar ózin qoǵam belsendisi, quqyq qorǵaýshy jáne áıelder men balalarǵa qatysty zorlyq-zombylyqpen kúresýshi retinde kórsetetindigi anyqtaldy. Ol óz qyzmetin áleýmettik jelilerde keńinen jarıalaıdy. Alaıda Smaıylovanyń kóptegen jarıalanymdary shyndyqqa janaspaıdy, sebebi olar tergeýmen rastalmaǵan. Onyń jalǵan habarlarymen quqyǵy buzylǵan azamattar shaǵym túsirdi, deıdi İİM tergeý departamenti bastyǵynyń orynbasary Samat Aısov. 

Keshe Dına Smaılovaǵa Qazaqstanda izdeý jarıalanǵany týraly aqparat jarıalanǵan edi. Keıin tergeý organdary ony qamaýǵa alý týraly sotqa ótinish túsirgeni habarlandy. Sondaı-aq Dına Tańsári qordyń esepshoty buǵattalǵanyn, bıliktiń turmystyq zorlyq-zombylyq máseleleri týraly ashyq túrde aıtyp júrgen qoǵamdyq qordy japqysy keletinin málimdedi.