• USD 378.65
  • EUR 430.07
  • RUB 6
  • CNY 55.1
16 Шілде, 02:31:33
Тоқаев Қорғаныс министріне қатаң сөгіс жариялады

23 Ақпан, 2019 Әдебиет

Ер жігіттер жайлы мақал - мәтелдер. "Ақылды жігіт атқа да мінер, таққа да мінер"

Аттың азбасы – бестісі, Жігіттің азбасы – естісі.

Қазақ халқы дауды да сөзбен шешкен дана халық болғандықтан, халқымыздың ауыз әдебиетінде әр тақырыпқа сай мақал-мәтелдер өте көп! 

Qamshy.kz ақпарат агенттігі ер жігіттерге қатысты мақал-мәтелдердің біршамасын оқырмандар назарына ұсынады.

 

Адам болар жігіттің жары өзіне лайық.

Керуен бастар жігіттің нары өзіне лайық.

***

Жас жігіттің жарасы жол – жөнекей жазылар. 

***

Жарлы болатын жігітке қазалы мал тап болар.

Жалғыз болатын жігітке бедеу қатын тап болар. 

***

Жігітті тоқтық қосады,

Тоқтық қоспаса, жоқтық қосады. 

***

Жігіт жиғанын жемейді, бұйырғанын жейді. 

***

Жігіттер, есеппен байимын деме,

Есебіңді есеп бұзса, қиын – ды. 

***

Ер жігіттің өлгені – ессіз болса алғаны.

Әділ бидің өлгені – сөзінің болса жалғаны. 

***

Кемел жігіт кешірімді.

***

Аттың азбасы – бестісі, 

Жігіттің азбасы – естісі. 

***

Керенеу жігітке кесапат жолдас кез болар. 

***

Тобылғыны қатты деп,

Қамшыға сап қылады.

Көреген жігітті әккі деп,

Қосынға бас қылады. 

***

Ақылды жігіт атқа да мінер, таққа да мінер. 

***

Алғаны жақсы жігіт әрқашан ісін оңдайды.

Алғаны жаман жігіт әрқашан тісін қайрады. 

***

Жақсы әйел – жігітке біткен бақ,

Жақсы жер, жайлы қоныс – алтын тақ. 

 

***

Жақсы жігіт аяғынның басын қосады,

Жаман жігіт жақсы ағаның жолын тосады. 

***

Тыртақай жігітке жыртақай әйел кез болар. 

***

Жарлы болатын жігіт байталын атқа сатады,

Жалғыз болатын жігіт ағайынын жатқа салады. 

***

Бай болайын деген жігіт айырбасшыл келеді.

Адам болайын деген жігіт қарындасшыл келеді. 

***

Жалғыз жігіттің шығар-шықпас жаны бар.

Екі ағайындының мойнына ілген талы бар.

Үш ағайындының  отарда баққан малы бар.

Төрт ағайындының аспанға салған жолы бар. 

***

Жаман қатын, шабан ат, өтпес пышақ - 

Ер жігітті береді ажалға ұстап. 

***

Мыржық жігітке ыржық қыз өз Ләйлісі болады. 

***

Қырсыққан қыз бай таппас, 

Қырсыз жігіт мал таппас.

***

Байы өлген қатын келіншек болады,

Кедей болатын жігіт еріншек болады.

 

Жинақтап, ұсынған: Мақпал  Сембай

Қате тапсаңыз, қажетті бөлікті таңдап ctrl+enter басыңыз.

Пікір қалдыру

0 пікір